News Portal

  • पेम्बा घलानको नेतृत्वमा सर्लाही प्रवासी सेवा समाज कतार दोहाले पायो नयाँ कार्यसमिति

    प्रेमनाथ पाैडेलसर्लाही, २९ साउन
    १४६३ पटक
    सर्लाही, २९ साउन

    सर्लाही प्रवासी सेवा समाज कतार दोहाको अध्यक्षमा दोस्रो कार्यकालका लागि पुन: हरिवन निवासी पेम्बा घलान चुनिएका छन ।

    आइतवार कतारको दोहा स्थित एक रेस्टुरेण्टको सभा हलमा समाजका पूर्व संरक्षक मोहमद हुसैनको प्रमुख आतिथ्यतामा भएको ९ औ अधिबेशनले घलानलाई सर्बसम्मत रुपमा अध्यक्ष चयन गरेको हो ।

    अधिबेशनको बन्द सत्रले प्रथम उपाध्यक्षमा कुमार नेउपाने ,द्वितीय उपाध्यक्षमा बुद्धि नारायण श्रेष्ठ ,महासचिवमा सुजन बराल, सचिवमा पूर्ण बहादुर महत र कोषाध्यक्षमा राजेश भुजेल निर्वाचित भएका छन भने सदस्यहरुमा पदम बहादुर बल , भेष बहादुर घिसिङ्ग ,निर्मल घिसिङ्ग ,ज्ञान् बहादुर बम्जन , देबेन्द्र पाख्रीन , शंकर पाख्रीन लगायत चयन भएको समाजले जनाएको छ ।

    त्यस्तै अधिबेशनले राम इन्दल सिंह ,श्यामलाल चौधरी ,होम बहादुर स्याङ्बो र हरिलाल महतो रहेको चार सद्स्यीय सल्लाह्कार समिति समेत चयन गरेएको नवनिर्बाचित अध्यक्ष घलानले जानकारी गराए ।

    झन्डै दुई दशक अर्थात सन् २००० मा गठन गरिएको समाजमा हाल २२ हजार भन्दा बढी सदस्य रहेका बताइएको छ ।

    समाजले कतारमा रहेका अप्रबासी कामदारको हितमा मात्र नभै नेपालमा समेत विभिन्न सामाजिक काममा सहयोग पुर्याउदै आएको छ ।
    नेपालमा बि. सं. २०७२ को बिनाशकारी भुकम्पमा झण्डै एक करोड आर्थिक सहयोग उपलब्ध गराएको यस समाजले , ब्लड क्यान्सर ,एचआईभी संक्रमित लगायतलाई सहयोग गर्दै आएको छ भने विभिन्न समयमा बाबु आमा गुमाएका अनाथ बालबालिकालाई आर्थिक सहयोगका साथसाथै कापी कलम लगायत शैक्षिक सामाग्री र लताकपडा समेत प्रदान गर्दै आएको जानकारी प्राप्त भएको छ ।

    त्यसैगरी समाजले रोजगारीका लागि कतार गएर बिचल्लीमा परेकालाई आश्रय दिनुको साथै दुई युबकलाई हबाई टिकटको ब्यबस्था गरि स्वदेश फिर्ता गराउनसमेत सफल भएको अधिबेशनमा जानकारी गराईएको द्वितीय उपाध्यक्ष बुद्दिनारायण श्रेष्ठले नेपालवाल डट कम लाई बताए ।

    दोश्रो कार्यकालमा तन मन धनले प्रवासीको हकहितका लागि काम गर्नुका साथै सर्लाही र सिंगो देशको लागि सेवा भावले आफ्ना कार्यहरु अघि बढाउने नेपालवाल संग नवनियुक्त अध्यक्ष पेम्वा घलानले प्रतिबद्धता पनि प्रकट गरे ।

    Nepalwall को फेसबुक पेज लाइक गरी निरन्तर खबर प्राप्त गर्न सकिनेछ ।

    प्रतिकृया दिनुहोस्

    सुचनाको हक र सकारात्मक सोच विषयक अन्तरक्रिया कार्यक्रम सम्पन्न

    आज (शनिबार) भक्तप्रको राधेराधे स्थित रोयल थाइ हस्पितालिटी होटलमा सुचनाको हक र सकारात्मक सोच विषयक...

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...

    शिक्षा नै कानुनी शासन स्थापनाका लागि प्रमुख आधार होःराष्ट्रपति भण्डारी

    राष्ट्रपति विद्यादेवी भण्डारीले कानुनी शिक्षा नै कानुनी शासन स्थापनाका लागि प्रमुख आधार रहेको बताएकी छन्...

    मन्त्री फिर्ता बलाउने कुनै निर्णय गरेको छैनः उपेन्द्र यादव

      जनता समाजवादी पार्टी (जसपा) का अध्यक्ष उपेन्द्र यादवले आफूहरूले मन्त्री फिर्ता बलाउने वा नयाँ...