News Portal

  • नोबेलमा बिरामीको लागि ‘रेस्पोन्स् टीम’ परिचालन (भिडियो रिपोर्टसहित)

    नेपालवाल संवाददाताविराटनगर, ६ भदाै
    १२३७ पटक
    विराटनगर, ६ भदाै

    विराटनगर स्थित नोबेल शिक्षण अस्पतालले बिरामीको सेवा र सहजताका लागि आकस्मिक कक्षको सेवामा ब्यापक सुधार गरेको छ । नोबेलले ईमर्जेन्सी कक्षको सेवालाई थप सुधार गरेर छिटो, छरितो र प्रभावकारी बनाएको हो ।

    बिरामीको सहजताका लागि आकस्मिक कक्षमा स्वास्थ्यकर्मीको संख्या बढाउँनुका साथै २४ सै घण्टा ‘रेसपोन्स टिम’ र ‘ट्रली ब्वाई’ परिचालन गरिएको छ । आकस्मिक अवस्थामा आएका बिरामीलाई खर्च अभाव भएमा सर्तनामा गराएर उपचार गराउँन कर्मचारी पनि खटाईएको अस्पतालका प्रवन्ध निर्देशक इन्दिरा शर्माले जानकारी दिईन् । उनका अनुसार बिरामीलाई सहज रुपमा आकस्मिक कक्षमा पुर्याउँन २४ सै घण्टा अस्पतालको गेटमा ‘ट्रली ब्वाई’ खटाईएको हो । ‘ट्रलि ब्वाई’ ले बिरामी आईपुग्ने बित्तिकै एम्बुलेन्सबाट बिरामीलाई निकालेर सकेसम्म छिटो उपचारका लागि आकस्मिक कक्षमा पुर्याउँने गर्छन् ।


    यता, बिरामीलाई तुरुन्त उपचारका लागि ९ जना स्वास्थ्यकर्मीको ‘इमर्जेन्सी रेस्पोन्स टिम’ परिचालन गरिएको छ । बिरामीलाई आवश्यकता अनुसार तत्काल शल्यक्रिया वा सघन उपचारका लागि अस्पताल सञ्चालक र अस्पताल प्रशासनका प्रतिनिधिले निगरानी गरी ढिलाई हुन नदिन प्रभावकारी भूमिका निर्वाह गर्ने गर्छन् । ईमर्जेन्सीमा २ जना बिरामी बराबर एकजना नर्सिङ स्टाफ खटाइएको छ । उनीहरुले बिरामीसँग सम्बन्धित डाक्टरलाई बोलाएर आवश्यकता अनुसार उपचारको ब्यवस्थापन मिलाउँने गर्छन् । रेसपोन्स टिमसँगै न्यूरो सम्बन्धि बिरामीका लागि तत्कालै उपचारको ब्यवस्थापन गर्न न्यूरोका नर्सहरुको छुट्टै टिम पनि परिचालन गरिएको ईमर्जेन्सी ईन्चार्ज डा.अमितकुमार अग्रहरीले बताए ।

    ईमर्जेन्सीमै भेन्डिलेटरसहितको आईसीयू कक्षको पनि ब्यवस्था मिलाईएको छ । ईमर्जेन्सीमा इसीजी, ल्याब परीक्षण, अल्ट्रासाउण्ड, एक्सरे लगायतको ब्यवस्था गरेपछि बिरामीको उपचारमा थप सहज भएको छ । ईमर्जेन्सी कक्षमा २४ सै घण्टा बिशेषज्ञ डाक्टरसहितको टिम खटिने गर्छ । पहिलेको तुलनामा डाक्टरहरुको संख्या पनि बृद्धि गरिएको छ । नोबेल अस्पताल सञ्चालक डा.सुनिल शर्माले ईमर्जेन्सी सेवालाई प्रभावकारी बनाउँन चासो देखाएपछि ईमर्जेन्सी कक्षको सेवालाई थप सुधार गरी छिटो, छरितो र गुणस्तरीय बनाईएको हो ।

    नोबेलले ईमर्जेन्सी सेवामा सुधार गरेपछि उपचारमा सहज भएको बिरामी र बिरामीका आफन्तको भनाई छ । उपचारका लागि आमालाई नोबेल लिएर आएका सुनसरीको ईनरुवाका शिशिर दत्त र हजुरआमाको उपचारका लागि नोबेल आएका मोरङको पथरीशनिश्चरेका लालबहादुर बुढाथोकीले नोबेलको ईमर्जेन्सी सेवामा ब्यापक सुधार पाएकाले उपचारमा धेरै सहज भएको प्रतिक्रिया दिए । उनीहरुजस्तै अधिकांस बिरामी र बिरामीका आफन्तले उपचारमा सहज भएको प्रतिक्रिया दिने गरेका छन् ।

    इमर्जेन्सीमा आउने बिरामीहरुलाई कुनै किसिमको समस्या नहोस् भनेर अस्पतालको गेट देखिनै स्वास्थ्यकर्मी र कर्मचारी परिचालन गरिएपछि बिरामीले पनि सहज अनुभूति गर्न पाएका हुन् । गुणस्तरीय सेवालाई प्राथमिकता दिदै आएको नोबेल अस्पतालले आवश्यकता अनुसार सेवामा स्तरीयता बढाउँदै लगेपछि बिरामीको आकर्षण पनि बढ्दै गएको छ ।

    हेर्नुस्भिडियो रिपोर्ट https://youtu.be/x9078_M7mrE

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...