News Portal

  • सर्लाहीमा नगरपालिकाकै किसान पाँउछन् प्रतिलिटर दुधको मूल्य मात्र २२ रुपैयाँ

    प्रेमनाथ पाैडेलसर्लाही, २८ भदाै
    १९५६ पटक
    सर्लाही, २८ भदाै

    सर्लाहीको  नारायण खोलाका किसानमा पशुपालनप्रति उत्साह घट्दै गएको छ । पशुपालनका लागि उपयुक्त स्थान नारायण खोलाका किसानहरुले उत्पादन गरेको दुधले उचित मूल्य र बजार नपाएपछि किसानहरुमा पशुपालन प्रतिको उत्साह घटदै गएको हो ।

    लालबन्दी नगरपालिका वार्ड नम्वर १४ मा पर्ने जिल्लाकै अति बिकट क्षेत्र मानिने नारायण खोलामा अहिले पनि ७० प्रतिशत मानिसहरुले गाईभैंसी पालेका छ्न् तर केही बर्ष अघि सम्म ५/७ वटा गाईभैंसी पाल्ने किसानहरु अहिले पशुपालन नै नगर्ने मनसायमा पुगेका स्थानीय उतरमान थिङ्ग को भनाई छ । ”गाई भैंसी पाल्यो दु:ख गरेर दुध उत्पादन गर्यो तर उत्पादित दुधको उचित मुल्य र बजारको अभाव छ ।” उनले भने ।

    लालबन्दी बजारमा ७० रुपैया प्रति लिटर पर्ने दुधलाई नारायण खोलाका दुध डेरिहरुले मुस्किलले २२ रुपैया देखि २७ रुपैयासम्म मात्र दिने गरेको अर्का किसान शुक्र थिङ्गले नेपालवालसँग दुखुसो गरे । दु:ख गरेर गाईभैंसीलाई दाना घासपात र हेरचाहको हिसाब किताब गर्दा दुधको आम्दानी भन्दा खर्च बढी पर्ने र त्यसले गर्दा घर परिबार चलाउन समेत समस्या हुने भएको किसानहरुको भनाई छ ।

    नारायण खोलामा अहिले पनि ६ वटा दुध संकलन गर्ने दुध संकलन केन्द्र छ्न् तर पनि बिकट क्षेत्र र बिद्युत तथा सहज बाटो यातायातको ब्यबस्था नहुदा आफूहरुले चाहना हुदाहुँदै पनि उत्पादित दुध संकलन र भण्डारण गर्न नसकेको मटरदोभानका दुध डेरि संचालक भिम पाख्रीनको भनाई छ ।

    यदि किसानहरुलाई पशुपालनतर्फ नगरपालिकाले हौसला प्रदान गर्न र बजारिकरणको ग्यारेन्टी गरिदिन सके पुरै लालबन्दी नगरपालिकाको दुधको माग नारायण खोलाले नै धान्न सक्ने र स्थानीय किसानहरुको आय आर्जन र जिबिकोपार्जनमा समेत यसले टेवा पुग्ने स्थानीय शिक्षक रुद्र बस्नेतको बुझाई रहेको छ ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...