काठमाडौं, ३ असोजसत्तारुढ दल नेकपा निकट युवा सङ्गठनले संविधान दिवसको अवसरमा राष्ट्रिय झण्डा फहराएको छ ।
काठमाडौँको माइतीघर मण्डलामा पूर्व युवा सङ्घ र वाइसिएलको संयुक्त आयोजनामा १ सय मिटर लामो राष्ट्रिय झण्डा फहराइएको हो ।राष्ट्रियता, स्वाधीनता र स्वाभिमानलाई मजबुत बनाउनुपर्ने भन्दै राष्ट्रिय झण्डा फहराएको आयोजकले जनाएको छ ।
उक्त अवसरमा वाइसिएल नेपालका अध्यक्ष रामप्रसाद सापकोटा दीपशिखाले वर्तमान संविधानमाथि गलत प्रचार गरी भ्रम फैलाइएको जिकिर गर्दै हजारौंको बलिदानबाट प्राप्त संविधानले परिवर्तनलाई सस्थागत गरेको र सवै नेपालीको हितमा रहेको दावी गरे ।
त्यसैगरी युवा संघ नेपालका अध्यक्ष रमेश पौडेलले जनताको अव युवाहरु आरर्थिक क्रान्तिको दिशामा अगर्सर हुनुपर्ने र समृद्ध देश बनान लाग्नुपर्ने बताए ।
दुवै संगठनका नेताले सरकारको नीति तथा कार्यक्रमले रोजगारलाई केन्द्रमा राखेकाले युवाहरु उत्साहित भएको भनेका थिए ।