News Portal

  • सर्लाहीका १४ वर्षीय बालकले बनाए ड्रोन, स्थानीय आश्चर्यचकित

    प्रेमनाथ पौडेल सर्लाही, २२ असोज
    ३८९१ पटक
    सर्लाही, २२ असोज

    सर्लाही हरिवन- ४ सासापुरका १४ वर्षीय बालक निश्चल पौडेलले हेलिकप्टरको सानो रुप अर्थात ड्रोन निर्माण गरि सफल परिक्षण गरेर सबैलाई आश्चार्यचकित तुल्याएका छन ।

    उनले ड्रोन मात्रै होईन आफूले यस अघि निर्माण गरेका ब्याट्रीबाट चल्ने ई साईकल र स्वचालित आफै चल्ने स्मार्ट कारको समेत आज एक कार्यक्रमका बीच सफल परिक्षण गरेर सबैलाई आश्चर्य चकित बनाएका हुन ।

    उनी अध्ययनरत विद्यालय लालबन्दी-२ जुटपानीस्थित नवजीवन माविमा एक कार्यक्रमका वीच उनको प्रतिभा सार्वजनिक भएको हो ।

    विद्यालयका प्रधानाध्यापक भलबहादुर अधिकारीको अध्यक्षता एवम लालबन्दी नगरपालिकाका मेयर मान बहादुर खडकाको प्रमुख आथिथ्यतामा एक कार्यक्रम गरि निश्चलले बनाएका तिनवटै आविष्कारको सफल परिक्षण गराईएको हो ।

    करिब ६८ हजारको लागतमा ड्रोन , २५ हजारको लागतमा ई साईकल र ३ हजारको लागतमा स्मार्ट कार बनाएको उनले बताए ।

    परिक्षणको अबलोकन गर्दै मेयर खड्काले यस्ता प्रतिभाको जगेर्ना र हौसलाको लागि आफ्नो र नगरपालिकाको तर्फबाट सक्दो सहयोग गर्ने बताउदै उनलाई उच्च शिक्षा सम्म हासिल गराउन र उनी भित्रको प्रतिभालाई अझ उजागर गर्नको लागि आफ्नो तथा नगरपालिका को तर्फबाट सक्दो सहयोग गर्ने प्रतिवद्धता प्रकट गरे ।

    त्यस्तै वडा नम्बर दुईका वडा अध्यक्ष किरण पासवानले ई-साईकलमा प्रयोग गरिने २४ भोल्टको ब्याट्री उपलब्ध गराउने प्रतिबदता जनाए ।

    कार्यक्रममा विद्यालयका आर्थिक समिति अध्यक्ष उद्धव पौडेल, सदस्य भिमबाहादुर थिङ्ग ,समाजसेबी ज्वाला पोखरेल, लालबन्दी वडा नम्बर ४ का वडा अध्यक्ष सोमनाथ बडाल, सर्पदंश उपचार केन्द्र नवलपुरका अध्यक्ष बोधराज काफ्ले लगायतले बालक निश्चलको प्रतिभाको कदर गर्नु पर्ने बताउदै यस्ता प्रतिभाको जगेर्ना गर्न र उनी भित्रको प्रतिभालाई अझ उजागर गर्न सबैको सहयोग को खाचो रहेको हुदा त्यस्ता सहयोगको लागि आफूहरु तयार रहेको बताउदै सबैलाई सहयोग गर्न आह्वान गरे ।

    हरिवन ४ सासापुर गणेशचौकका १४ वर्षीय निश्चल (स्वर्णिम)पौडेलले आफ्नै माईण्ड ( दिमाग ) ले गाउघरमा खेर गएका पुराना सामानको प्रयोग गरेर उनले ब्याट्रीबाट चल्ने ई साईकल को निर्माण गरेका हुन् भने ड्रोन र स्मार्ट कार बाहिरबाट समान खरिद गरि निर्माण गरेका हुन् ।

    सानै देखी तिक्ष्ण दिमाग भएका उनले यस भन्दा अगाडि पनि सोलर टर्च ,रेडियो तथा टिभी समेत बनाउदै आएको स्वर्णिमका बुबा काशिनाथ पौडेलले बताए ।

    उनी उमेरले कलिलै भए पनि उनको दिमागी तागतको साथी भाई समेत प्रसंसा गर्छन ।

    लालबन्दी- २ जुटपानीस्थित नवजीवन विद्याश्रम माविमा कक्षा ९ मा अध्यनरत स्वर्णिमको प्रतिभाबारे नेपालवालले पटक पटक प्रकाश पार्दै आइरहेको छ । उचीत अवसर प्राप्त गरे उनले राष्ट्रको लागि भविष्यमा ठुलो आविष्कार गर्न सक्ने विश्वास गर्न सकिन्छ ।

    भिडियो हेर्न तलको लिन्क क्लिक गर्नुहोस् ।

    https://m.facebook.com/story.php?story_fbid=936951643163634&id=687051164820351

    प्रतिकृया दिनुहोस्

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...

    राष्ट्रपतिप्रति सांसद गजेन्द्र महतको व्यंग्यः राष्ट्रपतिलाई अफ्ट्यारा कामहरू राति नै फत्ते गर्ने बानी परिसक्यो

    नेकपा माओवादी केन्द्रका सांसद गजेन्द्र महतले राष्ट्रपति विद्यादेवी भण्डारीप्रति व्यंग्य गरेका छन्। संसदको दुवै सदनले...