सर्वोच्च अदालतका न्यायाधिस चोलेन्द्र शमशेर जबराको आज जन्मदिन परेको छ । उनको जन्म २०१४ मंसिर २८ भएको थियो । ६१ वर्षे जन्मोत्सव उनको लागि फलिफाप बनेको छ । संवैधानिक परिषद्ले आजै प्रधानन्यायाधीशका लागि चोलेन्द्रशमशेर जबराको नाम सिफारिस गरेको छ ।

पाँच पटक स्थगित भएर विहिबार बसेको परिषद बैठकले जबराको नाम प्रधानन्यायाधीशमा सिफारिस गरेको हो ।
यसअघि परिषदले सिफारिस गरेको दीपकराज जोशी संसदीय सुनुवाईबाट अस्वीकृत भएपछि दोस्रो नम्बरमा रहेका ओमप्रकाश मिश्र सिफारिस भएका । मिश्रको सेवा अवधि पुस १७ मा सकिँदैछ । त्यतिबेला जबरा तेस्रो बरीयतामा परेका थिए ।

चोलेन्द्र शमशेर जबरा राणा प्रधानमन्त्री वीरशमसेरका खलक हुन् । सर्वोच्चको इतिहासमा २७ वर्षपछि उनले पूर्ण कार्यकाल ४ बर्षको लागि सर्वोच्चको नेतृत्व सम्हाल्ने छन ।