News Portal

  • चित्र बेचेर पढ्न बाध्य विद्यार्थीलाई लामाले दिए छात्रवृत्ति

    नेपालवाल संवाददाताभक्तपुर, २२ पुस
    ८६५ पटक
    भक्तपुर, २२ पुस

    आर्थिक अभावका कारण चित्र बनाउदै बेच्दै आफ्नो पढाई अगाडि बढाइरहेका एक युवालाई युवा समाजसेवी कुमार लामाले छात्रवृत्ति प्रदान गरेका छन् । लामाले लाजिम्पाटस्थित सृजना कलेज अफ फाइन आर्ट्समा पढ्ने २२ वर्षका विद्यार्थी डोनाल तामाङलाई छात्रवृत्ति प्रदान गरेका हुन् ।

    तामाङले आफ्नो चित्रको संकलन गरि एक्जिबिसन गर्ने इच्छा भएपनि गरिबीका कारण पढाई खर्च निकाल्न बेच्नुपर्ने बाध्यता रहेको गुनासो गरेपछि सफल युवा उद्यमीसमेत रहेका लामाले उनको कलेजको सम्पुर्ण शुल्क तिरिदिने घोषणा गरेका हुन् ।

    रामेछापको बेथान स्थाइ घर भै हाल भक्तपुर बस्दै आएका तामाङको स्नातक सक्न अझै अन्दाजी २ लाख लाग्ने र त्यो लामाले तिरिदिने भएपछि उनी दङ्ग परेका छन् । नेकपाका युवा संगठनका नेता समेत रहेका लामाले वैदेशिक रोजगारीमा ठगिएकहरुलाइ न्याय दिलाउन दिलोज्यानले लागेको थाहा पाएपछि उनको तेलीय चित्र बनाएर उनको सल्लाघारीस्थित कार्यालय पुगेका तामाङले आफ्नो सम्पूर्ण पढाई खर्च छात्रवृत्ति पाएपछि ढुङ्गा खोज्दा देउता मिलेको प्रतिक्रिया दिए ।

    “नि:स्वार्थ भावले गरेको परिश्रमको फल मीठो हुनेरहेछ, मैले कुमार सरलाइ उपहारस्वरूप चित्र दिएको थिए तर बदलामा उहाले मेरो सम्पूर्ण पढाइ खर्च ब्यहोर्दिने घोषणा गर्नुभएपछी मेरो आर्ट पढ्ने चाहना पूरा हुनेभयो ।” उनले भने ।

    आफूले प्रती घन्टा एक सय पाउन कडा मिहिनेत गर्दै पढाई खर्च जुटाउने गरेको भन्दै विद्यार्थी तामाङले लाखौ रुपैयाँ छात्रवृत्ति पाएपछि पढाईमा राम्रो गर्न थप प्रेरणा मिलेको बताए ।

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...