News Portal

  • विद्रोही नेकपाद्वारा असई विरुद्ध पक्राउ पुर्जी जारी : फरार भए इन्काउन्टरको आदेश

    भक्तपुर, १८ साउन
    ६४७ पटक
    भक्तपुर, १८ साउन

    नेत्रविक्रम चन्द विप्लव नेतृत्वको नेपाल कम्युनिस्ट पार्टीले नेपाल प्रहरीका एक असईका विरुद्ध पक्राउ पुर्जी जारी गरेको छ । नेकपाको कैलाली जिल्ला जनसरकारको नाममा उक्त पक्राउ पुर्जी जारी गरिएको हो ।

    विद्रोही नेकपाले गठन गरेको जनअदालतको फैसला अनुसार यो पक्राउ पुर्जी जारी गरिएको दावी गरिएको छ । कैलालीको बर्दगोरिया गाउँपालिका १ बस्ने नेपाल प्रहरीका असई भैरव कुँवरलाई यसरी विद्रोही नेकपाले पक्राउ पुर्जी जारी गरेको हो । नेकपाको जनसरकारले असई कुवरलले आफ्ना पार्टीका विरुद्ध सुराकी गर्ने गरेको दावी गर्दै २५ दिने पक्राउ पुर्जी जारी गरेको छ ।

    नेकपाको कैलाली जनसरकारका प्रमुख विकासको हस्ताक्षर रहेको पक्राउ पुर्जी कैलालीका विभिन्न ठाउँमा टाँसिएको छ । उक्त पक्राउ पुर्जीमा तुफानकुमार साउद नाम गरेका व्यक्तिले जनअदालतमा असई कुँवरका विरुद्ध जाहेरी दिएको र उक्त जाहेरीमाथि जिल्ला जनसरकारले छानबिन गरेको दावी गरिएको छ । जनसरकारले गठन गरेको छानविन कमिटिले नेपाल प्रहरीका असई कुँवरलाई पक्राउ गर्नुपर्ने प्रतिवेदन पेश गरेको पनि जानकारी गराइएको छ ।

    पक्राउ पुर्जीमा कुँवरले ‘देश र जनताको हितबिपरित नेकपा नेता कार्यकर्ताको सुराकी, अपहरण, ज्यानमार्ने उद्योसम्बन्धि कसुर गरेको’ भनिएको छ । कुँवरको घर आसपास सार्वजनिक स्थानहरूमा पनि उक्त पक्राउ पुर्जी टाँसिएको छ ।

    पक्राउ पुर्जीमा भनिएकाे छ, ‘कैलालीको वर्दगोरीया गाउँपालिका–१ साझा भन्ने ठाउँमा बस्ने नवराज कुँवरका छोरा भैरव कुँवरलाई २५ दिनभित्र जनअदालतमा उपस्थित हुन पक्राउ पुर्जी जारी गरिएको हो। बाटोका म्यादबाहेक २५ दिनभित्र आफैं वा पक्राउ पुर्जी बमोजिम पक्राउ परी यस अदालतमा हाजिर हुन आउनु होला ।’

    पक्राउ पुर्जीमा आफैं वा पक्राउ परी आएमा जनअदालतले व्यवहार बुझेर जनअदालतको कानुनअनुसार कारवाही हुने पनि बताइएकाे छ।तर, तोकिएको म्यादमा उपस्थित नभएमा जुनसुकै कारबाही गर्ने चेतावनी दिइएकाे छ ।

    जनसुरक्षा विभागलाई जुनसुकै बेला पनि कारवाही गर्न आदेश दिइएको पक्राउ पूर्जीसँगै अर्काे चेतावनी पत्र पनि टाँसिएको छ। उक्त चेतावनी पत्रमा ‘म्याद गुजारी फरार रहेमा देश र जनताको हितविरुद्ध नेता कार्यकर्ताको सुराकी, हत्या, अपहरण र यातनामा संलग्न रहेको पाइएमा, जिल्ला जनसुरक्षा विभागलाई जुनसुकै बेला पनि ‘इन्काउन्टर’ गर्न आदेश दिइएको छ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...