News Portal

  • सत्तारुढ नेकपाका ६६ कमान्डरमा परेनन् भक्तपुरका प्रभावशाली नेता बस्नेत

    भक्तपुर, ३१ साउन
    १२२५ पटक
    भक्तपुर, ३१ साउन

    सत्तारुढ नेपाल कम्युनिष्ट पार्टीले ३२ केन्द्रीय विभागका प्रमुख र उपप्रमुखको टुंगो लगाएको छ । पार्टीको सचिवालय बैठकले ३२ केन्द्रीय विभागका प्रमुख र उपप्रमुखको टुंगो लगाएको हो । बैठकले २ नेतालाई कार्यालय सचिव समेत तोकेको छ ।

    प्रधानमन्त्री निवास बालुवाटारमा शुक्रवार बसेको पार्टी सचिवालय बैठकले लामो समयसम्म टुंगिन नसकेको विभागको जिम्मेवारी बाडफाड गर्न सफल भएपछि शिर्ष नेताहरुले सन्तोषको स्वास फेरेका छन ।

    स्कूल विभागको नेतृत्वको विषयलाई लिएर शिर्ष नेताहरु बाडिएपछि निर्णय हुन सकेको थिएन । नारायणकाजी श्रेष्ठ र ईश्वर पोखरेल मध्ये कसलाई उक्त विभाग दिने भन्नेमा रस्साकस्सी भएपछि नेकपाका कार्यकर्तासम्म त्यसको तरंग आएको थिए ।

    अन्तत रक्षा मन्त्रीसमेत रहेका ईश्वर पोखरेल लाई स्कूल विभाग प्रमुख दिने सहमती भएपछि निस्कर्ष निस्किएको छ । उक्त विभागको उपप्रमुख  देवेन्द्र पौडेललाई दिइएको छ ।

    त्यसैगरी प्रवक्ता नारायणकाजी श्रेष्ठले प्रचार विभाग प्रमुखमा चित्त बुझाएका छन् । उक्त विभागको उपप्रमुख सूर्य थापालाई बनाइएको छ ।

    नेकपाले आफ्नो ३२ वटा केन्द्रीय विभागमध्ये १३ वटा विभागको प्रमुख मन्त्रीलाई बनाइदिएको छ । कतिपय नेताहरु आकांक्षी भएपनि जिम्मेवारी पाउन सकेनन ।

    भक्तपुरका सांसद रहेका नेकपाका केन्द्रिय सदस्य महेश बस्नेतलाई पार्टीले विभागमा जिम्मेवारी दिएन । पार्टीको युवा तथा खेलकुद विभाग उपप्रमुख बस्नेतले पाउने चर्चा थियो । प्रमुखमा स्थायी समिति सदस्य मणी थापा र उपप्रमुखमा केन्द्रिय सदस्य बस्नेतको बजार हल्ला चलेको थियो ।

    श्रोतका अनुसार नेता थापा बस्नेतको गुन्डूस्थित निजी निवास पुगेर यो विषयमा सल्लाहसमेत गरेका थिए । प्रधानमन्त्री ओली निकट मानिने भक्तपुरका प्रभावशाली नेता बस्नेत युवा संघका पूर्व अध्यक्ष समेत भएकोले उनका शुभचिन्तकहरु समेत बस्नेतको लबिङ्गमा लागेका थिए । बस्नेत निकट श्रोतको भने उनले पदको लागि कुनै आकांक्षा नगरेको दावी छ ।

    नेकपाले युवा तथा खेलकुद विभागको प्रमुखमा टोपबहादुर रायमाझी र उपप्रमुखमा ठाकुर गैरेलाई चयन गरेको छ । नेता मणी थापा भने साहित्य विभाग प्रमुख बनाइएका छन् ।

    पूर्व प्रधानमन्त्री माधव नेपालको भागमा विदेश विभाग परेको छ । अर्का पूर्वप्रधानमन्त्री झलनाथ खनाल लाइ नीति अनुसन्धान प्रमुख बनाइएको छ । बैठकले प्रभावशाली नेता बामदेव गौतमलाई भने संगठन विभाग प्रमुख बनाएको छ । गौतमलाई पार्टीको उपाध्यक्ष गराउने समेत प्रस्ताव गरिएको छ । संगठन विभागको उपप्रमुखमा अर्का प्रभावशाली नेता जनार्दन शर्मा परेका छन् ।

    सच्याइएको : ३२ केन्द्रिय विभाग हुनुपर्नेमा अन्यथा भएकोले सच्याइएको छ । -सम्पादक

    बैठकले प्रत्येक प्रदेशमा २ जना रहने गरी सह इन्चार्जको जिम्मेवारी पनि नेताहरुलाई दिएको छ ।

    हेर्नुस् जिम्मेवारी सम्बन्धी पार्टीले गरेको निर्णय

    कुन विभागमा को प्रमुख-उपप्रमुख? (सूचीसहित)

     

     

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...