News Portal

  • छायाँ सरकारका गृह मन्त्रीले भेटे रवि लामिछाने

    भक्तपुर, ३२ साउन
    ३३५ पटक
    भक्तपुर, ३२ साउन

    आत्महत्या दुरुत्साहन आरोपमा अनुसन्धानका लागि समातिएका चर्चित टेलिभिजन कार्यक्रम प्रोस्तोता रवि लामिछानेलाई गृह मन्त्रीले भेटेका छन् तर उनी नेपाल सरकारका नभई छायाँ सरकारका गृह मन्त्री हुन् ।

    प्रमुख प्रतिपक्षी दल नेपाली कांग्रेसले गठन गरेको छायाँ सरकारका गृहमन्त्री दिलेन्द्रप्रसाद बडूले रविसंग भेट गरेका छन् । रविलाई भेट्न उनी चितवन पुगेका हुन्।

    शनिवार चितवन पुगेका छायाँ सरकारका गृहमन्त्री दिलेन्द्रप्रसाद बडूले जिल्ला प्रहरी कार्यालय पुगी रविसंग भेट गरेका स्थानीय पत्रकारले जानकारी गराए । गृहमन्त्री बडूले रविलाई भेट्नु अघि सीडीओ र एसपीलाई समेत भेटेका बताइएको छ ।

    उनले प्रहरी प्रशासनलाई निष्पक्ष छानविन गर्न आग्रह गरेका र रविलाई अनुसन्धानमा सहयोग गर्न आग्रह गरेको सञ्चारकर्मीसँग बताए । रविले पनि अनुसन्धानमा सहयोग गर्न तयार रहेको बताएका बडुले बताए ।

    चितवनमा रवि पक्षधर र पुडासैनी पक्षधर समूहले शनिवार प्रदर्शन गरेका थिए ।रविका समर्थकहरु ठुलो संख्यामा चितवन पुगेर निर्दोष रविलाई फसाउन लागिएको भन्दै दैनिक नाराबाजी र दबाब सिर्जना गरिरहेका छन् ।

    साउन २० गते राति नारायणगढस्थित पोखरा बसपार्कको होटल कङ्गारूमा झुन्डिएको अवस्थामा नुवाकोट जिल्ला बेलकोटगढी नगरपालिका -३ घर भै माउन्टेन टेलिभिजन काठमाडौंमा काम गर्ने २७ वर्षका शालिकराम पुडासैनीको शव फेला परेको थियो । पत्रकार पुडासैनीले मर्नु अघि रेकर्ड गरेको भिडियोमा आफू मर्नुको कारण टिभी कार्यक्रम प्रस्तोता रवि लामिछाने, युवराज कँडेल र अस्मिता कार्की रहेकोे उल्लेख छ । सोही भिडियो रेकर्डका आधारमा प्रहरीले रवि, युवराज र अस्मितालाई पक्राउ गरी अनुसन्धान शुरु गरेको हो ।

    पत्रकार रवि लामिछानेसहित अन्य दुई जना युवराज कँडेल र अस्मिता कार्कीमाथि अनुसन्धान गर्न प्रहरीलाई चितवन अदालतले शुक्रबार अनुसन्धानका लागि ५ दिनको समय दिएको छ ।

    साउन ३० गतेबाट लागू हुने गरी ५ दिनको म्याद थप भएको चितवन अदालतका श्रेस्तेदार रूद्रमणि गिरीलाई उद्घृत गर्दै चितवन पोस्टले जनाएको छ । प्रहरीले अनुसन्धानका लागि १० दिनको समय माग गरेको भएपनि अदालतले ५ दिनको म्याद थप गरिदिएको हो ।

    उनीहरु तीनैजनालाई प्रहरीले साउन ३० गते काठमाडौँबाट पक्राउ गरी चितवन ल्याएको थियो । उनीहरु माथि आत्महत्या दुरूत्साहनअन्तर्गत अनुसन्धान थालिएको हो ।

    प्रतिकृया दिनुहोस्

    डाक्टर बास्काेटालाई टिएसके गाेल्डमेडल

    doctor asok baskota

    बि एण्ड बि अस्पताल तथा एचआर डिसी अस्पताल बनेपाका संस्थापक वरिष्ठ अर्थाेपेडिक सर्जन प्रोफेसर डाक्टर...

    भक्तपुरमा नि:शुल्क पानी र मास्क बाड्दै वाइसीएल

    dipshikha

    नेकपा(माओवादी केन्द्र) को सहायक संगठन योङ्ग कम्युनिष्ट लिग नेपाल(वाइसीएल-नेपाल) ले दशैमा उपत्यका बाहिर जाने यात्रीहरुलाई...

    भक्तपुरका पत्रकारले कालो पट्टी बाँधेर निर्वाचनको समाचार संकलन गर्ने

    fnj bhaktapur

    निर्वाचन आयोगले नेपाली सेना र प्रहरीबाट मिडिया अनुगमन गर्ने तयारी गरेपछि पत्रकारहरु विरोधमा उत्रिएका छन्...

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...