News Portal

  • शिक्षाका सह-सचिवहरुको ब्यापक सरुवा

    संजीप शुभचिन्तक भक्तपुर, ७ असोज
    ११९८ पटक
    भक्तपुर, ७ असोज

    शिक्षा, विज्ञान तथा प्रविधि मन्त्रालयले सहसचिवहरुको ब्यापक सरुवा गरेको छ । मन्त्रालयले शिक्षा सेवाका राजपत्रांकित प्रथम श्रेणीका धेरै सह-सचिवहरुलाई एकसाथ सरुवा गरिदिएको हो ।

    मन्त्रालय श्रोतका अनुसार शिक्षा मन्त्रालयको महत्वपूर्ण महाशाखा मानिएको योजना महाशाखा प्रमुखको रुपमा रहेका बैकुण्ठ अर्याललाई शिक्षक सेवा आयोगमा सरुवा गरिएको छ भने उनको ठाउँमा अस्ट्रेलियाबाट भर्खरै अध्ययन बिदा सकाएर फर्केका सह-सचिव कमल पोखरेललाई लगिएको छ ।
    कर्मचारी संगठनले मन पराएका अर्याललाई मन्त्रालयबाट सरुवा गर्न मन्त्री गिरिराजमणि पोखरेलले बिशेष चासो राख्दै आएका कर्मचारी वृत्तमा चर्चा थियो । पोखरेलका पूर्व निजी सचिव समेत रहेका मन्त्रालयका लेखा प्रमुख इन्द्रमणि पोखरेल र सह-सचिव अर्यालबीच आपसी सम्बन्ध तिक्ततापूर्ण भएपछि मन्त्री पोखरेलले अर्याललाई मन्त्रालयबाट सरुवा गर्न गृहकार्य गर्दै आएका थिए । अर्यालको ठाउँमा आएका सहसचिव पोखरेल तत्कालिन शिक्षा विभागको योजना महाशाखा प्रमुख भएको बेलामै अध्ययनका लागि अष्ट्रेलिया गएका थिए । उनी सिनियर सह-सचिव हुन् ।

    सिएलपीआइयुमा रहेका सह- सचिव इमनारायण श्रेष्ठ मन्त्रालय तानिएका छन् भने उनको ठाउँमा शिक्षा तथा मानव श्रोत विकाश केन्द्रबाट चुडामणि पौडेललाई पुर्याइएको छ । पौडेललाई केन्द्रमा महानिर्देशक बनाउने कसरत भएको भएता पनि महानिर्देशक बाबुराम पौडेललाई मन्त्रालयले सरुवा गर्ने आँट गर्न नसकेपछि चुडामणि पौडेललाई उनले रोजेको ठाउँ दिइएको हो । चुडामणि पौडेल मन्त्रीले मन पराएका सह सचिव मानिन्छन भने बाबुराम पौडेल सह-सचिव मध्ये वरियतामा सवैभन्दा जेष्ठ हुन् ।

    त्यसैगरी मन्त्रालयले इभेन्ट परियोजना प्रमुखको रुपमा रहेका केशव दाहाललाई शैक्षिक गुणस्तर परीक्षण केन्द्र( इआरओ) मा सरुवा गरिदिएको छ । इआरओबाट सह-सचिव टेक नारायण पाण्डे प्रदेश नम्बर ५ को मूख्य सचिव नियुक्त भै गएपछि उक्त ठाउँ खाली रहेको थियो ।

    बैकुण्ठ अर्याललाई सरुवा गरी पुर्याइएको शिक्षक सेवा आयोगका प्रशासकीय प्रमुख डा तुलसी थपलिया लाई शिक्षा तथा मानव श्रोत विकाश केन्द्रमा चुडामणी पौडेलको ठाउँमा सरुवा गरीएको श्रोतले जानकारी गराएको छ ।

    मन्त्रालयका प्रभावशाली सह-सचिव हरि लम्साललाई चिकित्सा शिक्षा आयोगमा लगिएको छ भने त्यहाँ रहेका चन्द्रकान्त भुसाललाई इभेन्ट परियोजनामा कामु प्रमुख दिइएको छ । भुसाल उप-सचिव हुन् ।

    मन्त्रीको निकट मानिने कृष्ण काप्री सरुवा हुन चाहेको भएता पनि उनको सरुवा गरिएको छैन भने पाठ्यक्रम विकाश केन्द्रको महानिर्देशक बनाइने आस्वाशन पाएका रामशरण सापकोटालाई पनि चलाइएको छैन ।

    पाठ्यक्रम विकाश केन्द्रका महानिर्देशक लेखनाथ पौडेललाई सरुवा गर्ने विषयमा मन्त्रीको सचिवालयमै मत बाझिएपछि उनको सरुवा नभएको श्रोतको दावी छ । पाठ्यक्रमका महानिर्देशक पौडेल र तत्कालिन नेकपा माओबादी केन्द्र निकट कर्मचारी संगठनको सम्बन्ध राम्रो नभएकोले संगठनलाई पेल्ने नियतले पौडेलको सरुवा रोकिएको हुनसक्ने अनुमान गरिएको छ । संगठनले पौडेलको कामकारवाहीको विषयमा प्रश्न खादा गर्दै मन्त्रालयमा ध्यानाकर्षण पत्र नै बुझाएको थियो । संगठन पौडेलको सरुवा गर्न र अर्यालको सरुवा रोक्न पहल गरेको भएपनि त्यसको उल्टो परिणाम आएपछि मन्त्री गिरिराजमणि पोखरेल आफ्नै पार्टी निकट कर्मचारीप्रति सकारात्मक देखिएका छैनन् । मन्त्री निकट श्रोतले भने पौडेलले केहि समय मागेकाले उनको सरुवा नगरेको जनाएको छ ।

    मन्त्रालयले बिष्णु अधिकारीलाई यथावस्थामा राखेको छ भने परीक्षा नियन्त्रण कार्यालयमा पनि चलेको छैन ।

    मन्त्रीको सचिवालयले सह- सचिव सरुवाको धेरै लामो समयदेखि प्रयास गरेको भएता पनि सकेको थिएन । सचिवालय नै एकमत हुन नसक्दा सह-सचिव सरुवा मन्त्रीको लागि महाभारत बनेको थियो ।
    सोमवार मन्त्रालयले सह-सचिवहरुको ब्यापक सरुवा गरेको भए पनि सार्वजनिक भने गरेको छैन ।
    एक-दुई असन्तुष्टीको नाडी छामेर मात्र सरुवा लिस्ट सार्वजनिक गर्ने मन्त्रालयको तयारी रहेको श्रोतको दावी छ ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...