भक्तपुर, २० कात्तिकनेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले सीमा अतिक्रमण सह्य नहुने बताएका छन् । भारतले लिपुलेकमा गरेको हस्तक्षेप अस्विकार्य भएको अध्यक्ष प्रचण्डले उद्घोष गरे ।
बुधवार प्रेस संगठनद्वारा दाङको घोराहीमा आयोजित पत्रकार सम्मेलनमा बोल्दै अध्यक्ष प्रचण्डले भने, ”भारतले लिपुलेक आफ्नो नक्शामा राखेको हो भने त्यो हामीलाई सह्य छैन। यसको कुटनीतिक र राजनीतिक प्रतिवाद हुन्छ ।”
नेकपा नेतृत्वको सरकारले यस विषयमा कुटनैतिक पहल गर्ने बताउंदै अध्यक्ष प्रचण्डले भारतले एकतर्फी निर्णय गरेर लिपुलेक उसको हुन नसक्ने दावी गरे ।
पत्रहरुहरुको एक जिज्ञासामा अध्यक्ष प्रचण्डले निवर्तमान सभामुख कृष्ण बहादुर महरा काण्ड देशका भीभीआइपीलाई सच्चिन सिकाउने घटना भएको भन्दै सत्यतथ्य अदालतले फैसला गर्ने बताए ।
पत्रकारहरुसंग कुरा गर्दै अध्यक्ष प्रचण्डले वर्तमान सरकार परिवर्तनबारे आफ्नो नाम जोडेर आएका हल्लाको पछि नलाग्न आग्रह गर्दै जनताले दुई तिहाइ मत दिएको सरकारले पुरै कार्यकाल काम गर्ने प्रष्ट पारे । एक अर्को प्रसंगमा उनले दाङ लाई प्रदेश नम्बर ५ को राजधानी बनाउनुपर्ने बताएका थिए ।
नेकपाका जिल्ला इञ्चार्ज जीवन गौतमले जनाए अनुसार प्रचण्ड बृहत् कार्यकर्ता प्रशिक्षण कार्यक्रममा सहभागी हुन दाङ आइपुगेका हुन् ।