भक्तपुर, १ पुसनेपाल एयरलाइन्सले ‘मस्ट पपुलर एयरलाइन्स अवार्ड’ हासिल गरेको छ । एयरलाइन्स कृटिज एन्ड ब्लगर एशोसिएसनले सन् २०१९ को लोकप्रिय एयरलाइन्सको अवार्ड नेपाल वायु सेवा निगमलाई प्रदान गरेको हो ।
एशोसियसनका अध्यक्ष टिपियस ग्रोबरले दिएको जानकारी अनुसार चार सय ५० भन्दा बढी एयरलाइन्स ब्लगर, रिभ्युअर, यात्रु र एभियसन पत्रकारहरुले गरेको समीक्षाका आधारमा नेपाल एयरलाइन्सलाई यो अवार्ड प्रदान गरिएको हो ।
वायुसेवा कम्पनीका कर्मचारीले विमानस्थलमा यात्रुहरुलाई गर्ने व्यवहार, उडानका क्रममा क्रु-मेम्बरले गर्ने व्यवहार, यात्रु सेवा, इन्फ्लाइट खानाको गुणस्तर, मनोरञ्जन, सुरक्षित सेवा, आरामदायी सिट, मूल्यलगायत आधारमा यो अवार्ड प्रदान गरिन्छ ।
एशोसियसनले ४ वर्षदेखि पत्रकार, यात्रु तथा ब्लगरको समीक्षाका आधारमा अवार्ड प्रदान गर्दै आएको हो । यसअघि थाइ एयर र फिन एयरले यो अवार्ड पाइसकेका छन् ।