सवारी चालक अनुमति पत्र लिन प्रयोगात्मक परीक्षा दिएका २ जनालाई पक्राउ गरेको छ । महानगरीय ट्राफिक प्रहरी महाशाखाले जनाए अनुसार उनीहरु नक्कली कागजात बनाई परीक्षा आएका हुन् ।

उनीहरुलाई चन्द्रगिरी नगरपालिका गर्जुधारास्थित भेइकल एकेडेमी एण्ड रिसर्च सेन्टर प्रालिको ड्राइभिङ सेन्टरबाट मंगलवार बेलुका ४ बजे पक्राउ गरेको ट्राफिक प्रहरीले जनाएको छ ।

प्रहरीको नियन्त्रणमा आउने मध्ये एक कालिकोट खाडाचक्र नगरपालिका घर भइ हाल चावहिल बस्दै आइरहेका १९ वर्षका विरेन्द्र मल्ल हुन् भने अर्का सुकेधारा बस्ने ३० वर्षीय दिपक शाही हुन् ।

सवारी चालक अनुमति पत्र लिनका लागि नेपाली नागरिकता लगायत सरकारी कागजात नक्कली बनाइ फरक व्यक्तिलाई ट्रायल परीक्षा दिइरहेको अवस्थामा उनीहरुलाई पक्राउ गरिएको महाशाखाले जानकारी दिएको हो ।