News Portal

  • आकाशमा आगोको मुस्लो देखेपछि हवाईजहाज दुर्घटनाको आशंका

    भक्तपुर, ९ पुस
    २९२ पटक
    भक्तपुर, ९ पुस

    मकवानपुरको बकैया गाउँपालिका र मकवानपुरगढी गाउँपालिकाको सीमा क्षेत्रस्थित आकाशमा ठूलो आगोको मुस्लो देखिएको छ । बकैया गाउँपालिका–१२ र मकवानपुर गढी गाउँपालिका–७ को सीमानामा झण्डै एक घण्टा अगाडि आगोको मुस्लो देखिएको स्थानीयले जानकारी दिएका छन् । ‘बकैया गाउँपालिका– १२ र मकवानपुर गढी गाउँपालिका–७ को सीमाना क्षेत्रमा ठूलो आगोको मुस्लो आइरहेको छ’, बकैया गाउँपालिका–१२ का वडा सचिव लक्ष्मण घिमिरेले सुनाए ।

    आगोको मुस्लो देखिएको स्थानमा हवाईजहाज खसेको आशंकामा इलाका प्रहरी कार्यालयबाट सुरक्षाकर्मीको टोली घटनास्थलतर्फ हिंडिसकेको पनि घिमिरेले जानकारी दिएका छन् । आगोको मुस्लो देखिएको स्थानमा केहि समयअघि प्लेन आएको देखिएको जानकारी दिंदै उनले भने, ‘प्लेन नै खसेको हुन सक्ने आशंका धेरै छ, हामीहरूबाट त्यो स्थान नजिकै पर्छ । प्रहरीको टोली हिंडिसकेको छ । आधिकारिक कुरा आउँला नै ।’

    इपाखोलाको मुहान धार्केमा निजी हेलिकोप्टर दुर्घटना भएको खबर प्राप्त नेपाली सेनाको स्रोतले जानकारी दिएको छ । द्रुतमार्ग निर्माणमा खटिएको सेनाको टोली घटनास्थलतर्फ जाँदै गरेको उनले जानकारी दिएका छन् । यसैबीच नागरिक उड्डयन प्राधिकरणका सूचना अधिकारी त्रिलोचन पौडेलले अहिलेसम्म कुनै दुर्घटनाको जानकारी नआएको बताउँदै नेपालमा रहेका आन्तरिक विमान र नेपालको टावरसँग सम्पर्कमा आएका कुनै पनि विदेशी विमानसँग सम्पर्क विच्छेद नभएको बताएका छन् ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...