भक्तपुर, १९ फागुन कोरोना भाइरस (कोभिड-१९) को जोखिम बढेको भन्दै सरकारले ठुला भेला सम्मेलन आयोजना नगर्न अनुरोध गरेको भोलिपल्टै नेपाल नागरिक उड्ययन प्राधिकरणको त्रिभुवन विमानस्थलले आफन्तको स्वागत र बिदाईका लागि नआउन अपिल गरेको छ ।
सोमबार त्रिभुवन विमानस्थल कार्यालयका महा प्रवन्धकले एक सूचना जारी गर्दै सर्वसाधारणलाई यस्तो अपिल गरेका हुन् । त्यतिमात्र होइन, विमानस्थल प्रदान गर्दै आएको आगन्तुक प्रवेश पास समेत अनिश्चितकालका लागि रोकिएको छ ।
देशको एकमात्र अन्तराष्ट्रिय विमानस्थल त्रिभुवन विमानस्थल कार्यालयले जारी गरेको सूचनामा भनिएको छ ” अत्यावश्यक बाहेक स्वागत र बिदाइमा नआउनु र आए पनि अनिवार्य मास्कको प्रयोग गर्नु हुन अनुरोध छ । ”
विश्व स्वास्थ्य संगठनले नेपाल कोरोना भाइरसको उच्च जोखिममा रहेको भनेपछि सर्वसाधारणलाई विमानस्थल प्रवेशमा कडाइ गरिएको महाप्रवन्धक केसीले भक्तपुर पोस्टसंग भने । नेपालमा कोरोना भाइरसको भित्रिन नदिन आवश्यक परे अन्तर्राष्ट्रिय उडान समेत रोक्न सोमबार नै सर्वोच्च अदालतले सरकारको नाममा अन्तरिम आदेश जारी गरिसकेको छ ।
हेर्नुस सूचना
