News Portal

  • प्रअ र उनकी छोरीको मृत्युपछि काभ्रेमा कर्फ्यु

    बाबुराम दाहाल / भक्तपुर पोस्ट भक्तपुर, ४ फागुन
    १५०३ पटक
    भक्तपुर, ४ फागुन

    टिपरको ठक्करबाट आमाछोरीको ज्यान गएपछि तनावग्रस्त बनेको काभ्रेको पनौतीमा कर्फ्यु आदेश जारी गरिएको छ । जिल्ला प्रशासन कार्यालय, काभ्रेपलाञ्चोकले पनौतीको चारकिल्लामा अनिश्चितकालीन कर्फ्यु आदेश जारी गरेको हो ।

    काभ्रेका प्रमुख जिल्ला अधिकारी श्रवणकुमार तिमिल्सिनाले कर्फ्यु आदेश जारी गरिएको बताए । बिहान ९ बजेदेखि अर्को आदेश नभएसम्मका लागि कर्फ्यु आदेश जारी गरिएको उनको भनाइ छ ।

    प्रजिअ तिमिल्सिनाका अनुसार पनौतीको पूर्व शंख जानेबाटोको चौकीसम्म ८०० मिटर क्षेत्र र पश्चिममा कुशादेवी जानेबाटोको १ किलोमिटरसम्म कर्फ्यु आदेश जारी गरिएको छ । त्यस्तै, बनेपा जाने ठाडोबाटोको १ किलोमिटर क्षेत्र र देखाञ्चोकतर्फको १ किलोमिटर मिटर क्षेत्रमा पनि कर्फ्यु लगाइएको छ ।

    सोमबार पनौतीमा बा५ख ५४८० नम्बरको टिपरले ठक्कर दिँदा खानीखोला गाउँपालिका–१ की २६ वर्षीया जुनीमाया तामाङ र उनकी ३ वर्षीया छोरी स्मारिकाको मृत्यु भएको थियो।

    मृतक जुनीमाया खानीखोला–१ स्थित कालिका प्राथमिक विद्यालयकी प्रधानाध्यापक समेत हुन् । जुनीमाया र उनकी छोरीको मृत्युपछि आक्रोसित आफन्त र स्थानीय प्रदर्शनमा उत्रिएका थिए ।

    प्रदर्शन उत्तेजित बनेपछि प्रहरीले नियन्त्रणमा लिन बल प्रयोग गरेको थियो । सोमबार प्रहरी र प्रदर्शनकारी बीच झडप हुँदा प्रहरी हवल्दारसहित ६ प्रहरी र ३ स्थानीय घाइते भएका थिए भने प्रहरीले अश्रुग्यास प्रहारका साथै हवाई फायर समेत गर्नु परेको थियो ।

    अपडेट : जिल्ला प्रशासन कार्यालय काभ्रेपलाञ्चोकले कर्फ्यू आदेश हटाएको छ । मंगलबार राति ८ बजेदेखि लागु हुने गरी कर्फ्यू आदेश हटाइएको हो ।

    प्रतिकृया दिनुहोस्

    यि हुन् मंगलवारको मन्त्रिपरिषद् बैठकले गरेका ८ निर्णय

    काठमाडौं। प्रधानमन्त्री निवास बालुवाटारमा मंगलबार बसेको मन्त्रिपरिषद बैठकले विभिन्न ८ वटा निर्णयहरु गरेको छ ।...

    शिक्षक सेवा आयोगको अध्यक्षमा मधुप्रसाद रेग्मी नियुक्त

    काठमाडौं । शिक्षक सेवा आयोगको अध्यक्षमा मधुप्रसाद रेग्मी नियुक्त भएका छन् । बुधबार बसेको मन्त्रिपरिषद्...

    माधव नेपाल र प्रचण्डबीच भेटवार्ता

    नेकपा एमालेका वरिष्ठ नेता माधवकुमार नेपाललाई भेट्न नेकपा माओवादी केन्द्रका अध्यक्ष पुष्पकमल दाहाल कोटेश्वर पुगेका...

    अनलाइन शिक्षणसम्बन्धी तालिम माग गरेमा विद्यालयलाई सोझै दिने सरकारी तयारी

      – १० लाख ९३ हजार बालबालिका अनलाइन कक्षामा – इच्छाशक्ति भएका सामुदायिक विद्यालयहरुले अनलाइनबाटै...

    भूवन र दीपाश्रीको सम्बन्ध चिसिएको चर्चा हल्ला मात्रै !

    सर्वाधिक ग्रस कमाई गर्न सफल चलचित्र ‘छक्का पन्जा’का ३ वटै सिरिजका कारण निर्देशक दीपाश्री निरौला...