News Portal

  • जाजरकोटको पहिरोमा ७ जनाकाे मृत्यु, ५ जना बेपत्ता

    भक्तपुरपोस्ट संवाददाता२६ असार २०७७
    ७८२ पटक
    २६ असार २०७७

    जाजरकोट । बारेकोट गाउँपालिका–४, सार्कीगाउँमा शुक्रबार राति गएको पहिरोमा बेपत्ता भएका ७ जनाको शव भेटिएको छ । पहिरोले सार्कीगाउँका २ घर बगाउँदा १२ जना बेपत्ता भएका थिए । त्यस्तै बारेकोट–६, धुमास्थित खहरे खोलाले बगाएर २ जना बेपत्ता भएका छन् ।

    जाजरकोटका डीएसपी किशोर कुमार श्रेष्ठका अनुसार बेपत्तामध्ये सातजनाको शव भेटिएको र जसमध्ये तीनजनाको पहिचान खुल्न सकेको छैन ।

    पहिरोले घर बगाउँदा बेपत्ता भएका बारेकोट गाउँपालिका-४ सार्कीगाउँका ५२ वर्षीय गोपाल सार्की र उनको ११ वर्षका छोरा अर्जुन सार्की, कलु सार्कीको घरमा पाहुन आएका कुशे गाउँपालिका–९ का २० वर्षीया डिल्ली सार्की र १८ वर्षका वीरेन्द्र सार्कीको शव भेटिएको उनले बताए । अन्य तीन जनाको भने पहिचान खुल्न नसकेको उनले बताए ।

    बिहीबार रातिको पहिरोले बारेकोट गाउँपालिका-४ सार्कीगाउँका गोपाल सार्की र कालु सार्कीको घर बगाउँदा १२ जना बेपत्ता भएका थिए । ‘घटनाबारे म साथीहरुको सम्पर्कमै छु,’ डीएसपी श्रेष्ठले भने, ‘बेपत्ता अन्य पाँच जनाको खोजीकार्य जारी छ ।’

    सदरमुकामस्थित जिल्ला प्रहरी कार्यालयबाट प्रहरी निरीक्षक हेरम्ब पाण्डेको नेतृत्वमा प्रहरी टोली, सशस्त्र प्रहरी र सेनाको टोली सार्कीगाउँ घटनास्थलमा पुग्न नसकेको जाजरकोटका डीएसपी  श्रेष्ठले बताए ।

    घटनास्थल टाढा भएकोले उद्धारका लागि सदरमुकामबाट खटिएको टोली पुग्न नसकेको उनले बताए । सार्कीगाउँको पहिरोमा ५२ वर्षीय घरमुली गोपाल, उनकी श्रीमती ५० वर्षीया पुष्पा, १३ वर्षीया छोरी लक्ष्मी र ११ वर्षीय छोरा अर्जुन, अर्का घरमुली कलु सार्की, १४ वर्षीया छोरी तिर्खा, ११ वर्षीया छोरी कमला, ६ वर्षीय छोरा सुभाष र पाहुना बस्न आएका कुशे गाउँपालिका ९, चौराँटाका २० वर्षीय डिल्ली, १४ वर्षीया गौरी, १६ वर्षीया कविता र १८ वर्षीय वीरेन्द्र वेपत्ता भएका थिए । घटनास्थल सदरमुकाम खलंगादेखि करिब ९० किलोमीटरको दूरीमा रहेको छ ।

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...