आफू अपहरणमा परेको निवेदन दिन लगाएका एक युवक प्रहरीको फन्दामा परेका छन । पैसा तिर्नु नपरोस भनि अपहरणको नाटक गरेको पुष्टि भएपछी उनी फन्दामा परेका हुन् ।

प्रहरीलाई झुक्याएका कारण पक्राउ पर्नेमा काठमाडौं महानगरपालिका ४ चुनदेवि बस्ने वर्ष ३० को शक्तिराज रेग्मी रहेका छन् । प्रहरीका अनुसार असार २४ गते देखि आफू हराएको, अपहरण परेको भनि निवेदन दिन लगाएका थिए। महानगरीय अपराध महाशाखाबाट अनुसन्धान तथा खोजतलास बाट खटिएका प्रहरीले रेग्मीलाई मंगलबार राती नयाँ बसपार्क स्थित सुगन्ध होटलमा फेला पारेको थियो ।

अपहरणको नाटक गरी.नयाँ बसपार्क स्थित सुगन्ध होटलमा केटीसँग बसेको अवस्थामा उनलाई फेला पारेको प्रहरीले बताएको छ। प्रहरीको प्रारम्भिक अनुसन्धानमा रेग्मीले बिभिन्न ब्यक्तिहरूसँग जग्गा ब्यबसाय गर्छु भनि करोडौ रुपैयाँ लिएको र पैसा तिर्नु नपरोस् भनि अपहरणको नाटक गरेको बुझिएको रहरीको भनाइ छ।

अपहरणको नाटक गरि प्रहरीलाई अनावश्यक हैरानी दिई राज्यको स्रोत साधनहरूको समेत दुरूपयोग गराएको अभियोगमा उनलाई आवश्यक कारवाहीको लागि महानगरीय प्रहरी परिसर पठाईएको महानगरीय अपराध महाशाखाले जनाएको छ ।