News Portal

  • पत्रकारलाई दु:ख नदिन ठूला भनिएका सञ्चारगृहलाई प्रेस संगठनको चेतावनी

    भक्तपुरपोस्ट संवाददाताभक्तपुर, २१ भदौ
    ७२५ पटक
    भक्तपुर, २१ भदौ

    पत्रकारहरुको देशकै ठूलो संगठन प्रेस संगठन नेपालको उपत्यका प्रदेश कमिटीले कोभिड १९ का कारण उत्पन्न विषम परिस्थितिमा ठूला भनिएका सञ्चारमाध्यमहरुले नै श्रमजीवी पत्रकारहरुलाई विभिन्न बहानामा दुख दिनु निन्दनीय रहेको बताएको छ । त्यतिमात्र होइन, यस्तो बेला पत्रकारलाई तलबसमेत नदिइ दुख दिनु शोषक र सामन्ती प्रवृत्ति भएको समेत संगठनको भनाइ छ ।

    प्रदेश कमिटीका संयोजक नवराज दाहाल र सहसंयोजक प्रकाश सिलवालले एक विज्ञप्ती जारी गर्दै कोरोेनाको बहानामा रोजगारीको हक कुण्ठित हुनेगरी सेवाबाट हटाउने, आधा तलब दिने, काम गर्न वा नगर्न मनोवैज्ञानिक दवाव दिने दरवन्दी नै नभएका स्थानमा दुःख दिने नियतले सरुवा गर्ने, तोकिएको तलव र पारिश्रमिक समयमा नदिने प्रवृति बढेकोमा त्यसो नगर्न चेतावनी समेत दिएको छ ।

    विज्ञप्तिमा नेपाल पत्रकार महासङ्घ र विभिन्न सञ्चार माध्यममा पीडित पत्रकारले स्वतःस्फूर्तरुपमा सञ्चालन गरेका दबाबमूलक कार्यक्रमप्रति समर्थन र ऐक्यबद्धता व्यक्त गरिनुका साथै न्यूनतम पारिश्रमिक निर्धारण समितिका अध्यक्ष राजेन्द्र अर्यालको संयोजकत्वमा कोभिड– १९ पछि सञ्चार क्षेत्रमा परेको समग्र असरबारे अध्ययन गर्न गठित  उच्चस्तरीय समितिले पत्रकारको समस्या समाधानमा सकारात्मक पहल गर्ने अपेेक्षा गरिएको  छ ।

    त्यसैगरी कोभिड–१९ का कारण साना लगानीका र स्वरोजगारमूलक मिडियामा परेको गम्भीर असरलाई ध्यान दिँदै यसको रक्षा र विकासका लागि आवश्यक पहल लिनसमेत सरकारसँग माग गर्दै अग्रभागमा रहेर कार्यरत श्रमजीवी पत्रकार जोखिममा रहेकाले पत्रकारलाई सावधानीका स्वास्थ्य परीक्षण र सामग्री निःशुल्क उपलब्ध गराउन माग गरिएको छ ।

    प्रतिकृया दिनुहोस्

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...

    नागरिकका विवरण सुरक्षित हुनुपर्छ : प्रजापति

    भक्तपुर नगरपालिकामा राष्ट्रिय परिचयपत्रको विवरण भर्ने सम्बन्धमा रुजु अधिकारीहरुबीच अभिमुखीकरण कार्यक्रम सम्पन्न भएको छ ।...