भक्तपुर, ६ फागुन २०८१प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी महिला अभियान अन्तर्गत झोल साबुन बनाउने तालिम प्रदान गरेको छ । मंगलवार चाँगुनारायण- ४ बजुटाेलका स्थानीय गृहिणी महिलाहरुलाई तालिम प्रदान गरिएको हो ।
तालिममा ५० जना स्थानीय महिलाहरु प्रशिक्षार्थीको रुपमा सहभागी रहेका थिए । उनीहरूले प्राप्त ज्ञान बाट ४५ लिटर झोल साबुन बनाएका थिए । सो सामाग्री प्रशिक्षार्थीहरुलाई नै निशुल्क वितरण गरिएको तालिमको प्रशिक्षक समेत रहेकी अनेमसंघ क्रान्तिकारीकी भक्तपुर जिल्ला अध्यक्ष राजेस्वरी शिल्पकारले बताइन् ।
तालिमको उद्घाटन गर्दै अभियानका परिकल्पनाकार समेत रहेका नेकपा (माओवादी केन्द्र)का केन्द्रीय सदस्य डि.पी ढकालले महिलाहरु आर्थिक अभावकै कारणले घरेलु हिंसाबाट पीडित हुनुपरेको बताएका थिए । यस्ता तालिमहरुले गृहिणी महिलाहरुलाई आम्दानिको श्रोत बढाउने र उनीहरू आत्मनिर्भर बन्ने उनले बिश्वास व्यक्त गरे । यसले घरेलु हिंसा न्यूनीकरणमा सहयोग पुग्ने उनको भनाइ छ ।
उक्त कार्यक्रममा नेकपा (माओवादी केन्द्र) की केन्द्रीय सदस्य उमा कपाली, चाँगुनारायण नगर समिति उपाध्यक्ष रामकुमार तामाङ, सचिव चण्डिका लामिछाने, जिल्ला सदस्य राजकुमार बन लगायतको आतिथ्यता रहेको थियो ।
