भक्तपुरपोस्ट संवाददाता भक्तपुर, १ असोज
भक्तपुर, १ असोज नेपाल कम्युनिस्ट पार्टी(नेकपा) का उपाध्यक्ष वामदेव गौतम राष्ट्रिय सभाको सदस्य मनोनीत भएका छन्। राष्ट्रपति विद्यादेवी भण्डारीले उनलाई उक्त पदमा मनोनीत गरेकी हुन् ।
गौतमलाई आजै राष्ट्रिय सभाका अध्यक्ष गणेश तिमल्सिनाले शपथ ग्रहण गराउने कार्यक्रम रहेको जनाइएको छ ।
तत्कालीन अर्थमन्त्री डा. युवराज खतिवडाको कार्यकाल सकिएपछि रिक्त राष्ट्रियसभामा ठूलो रस्साकस्सी पछि सोमवारको मन्त्रिपरिषद् बैठकले गौतमलाई राष्ट्रिय सभामा मनोनित गर्न राष्ट्रपति समक्ष सिफारिस गरेको थियो ।
गौतमलाई राष्ट्रपति भण्डारीले संविधानको धारा ८६ को उपधारा २ को खण्ड ख बमोजिम मनोनीत गरेकी राष्ट्रपति कार्यालयका प्रवक्ता हरिप्रसाद दाहालले जानकारी गराए ।