नेपाल प्रहरीले ठूलो संख्यामा प्रहरी जवान भर्नाको लागि सूचना प्रकाशन गरेको छ । ५ हजार भन्दा बढी प्रहरी प्रहरी जवान भर्ना गर्नका लागि सूचना प्रकाशित भएको हो ।

शुक्रवार प्रकाशित सूचना अनुसार ५ हजार २ सय २७ जना नयाँ प्रहरी भर्ती गर्नु परेकोले दरखास्त आह्वान गरिएको छ । खुलातर्फ २ हजार ८ सय १७ कोटा तोकेको छ भने अरू समावेशीतर्फ छ। आदिवासी जनजातिका लागि ७ सय ३७ र महिलातर्फ चार सय ४१ जनाको कोटा निर्धारण गरिएको छ ।

प्रहरी जवान पदमा दरखास्त दिन ७७ वटै जिल्लाका प्रहरी कार्यालयमा ब्यावस्था मिलाइएको बताइएको छ । कक्षा आठ वा सो सरह उतीर्ण गरेका, १८ वर्ष पूरा भई २३ वर्ष उमेर ननाघेका, तौल, उचाइ र स्वास्थ्यका मापदण्ड पुगेकाले फारम भर्न सक्ने सूचनामा भनिएको छ । बिस्तृत विवरणका लागि शुक्रवारको गोरखापत्र हेर्नुहोला । भक्तपुरको महानगरीय प्रहरी परिसरमा दरखास्त लिन र बुझाउन ९८५१२ ८३०२० मोबाइल नम्बरमा सम्पर्क गर्नसकिने बताइएको छ ।

हेर्नुस सूचना

https://gorkhapatraonline.com/viewer?file=https://gorkhapatraonline.com/ArchiveNewsFile/5f88e6728f312_gopa_pdf.pdf