News Portal

  • धार्चे गाउँपालिकाले राख्यो रेकर्ड

    बुद्ध शरण शाही/ भक्तपुर पोस्ट काठमाडौ, २३ मंसिर
    २३७ पटक
    काठमाडौ, २३ मंसिर

     गोरखाको धार्चे गाउँपालिका अन्तरराष्ट्रिय पर्वतीय पर्यटन (IMTA) को सदस्य भएको छ । यससँगै यो गाउँपालिका विश्वकै पहिलो पर्यटकीय पर्यटनको सदस्य गाउँपालिका भएको छ।

    पर्वतीय पर्यटनको प्रचुर सम्भावना रहेको यस क्षेत्रको विकास गर्ने उद्देस्यले गाउँपालिकाले विभिन्न अन्तरिक तथा बाह्य पर्यटन गतिविधि अगाडि बढाएको छ। गाउँपालिकाको अग्रसरतामा शनिवार र आइतवार बुढीगण्डकी र्याफ्तिङ, साहसिक खेल क्यानोनिङ, प्याराग्लाइडिङ, रकक्लाइम्बिङ्ग तथा फिसिङ प्याकेज इभेन्ट सम्पन्न गरिएको छ।


    गाउँपालिकाका प्रमुख सन्तोष गुरुङको अध्यक्षतामा बुढीगण्डकी ह्वाइट वाटर अन्वेषण कार्यक्रम समन्वय समिति अन्तर्गत भएको कार्यक्रममा समितिका उपप्रमुख जानुका अधिकारी, नेपाल पर्यटन बोर्ड सदस्य अवधेष दासले संयुक्त रुपमा उदघाटन गरेका हुन्।


    माछे खोला स्थित ‘सबै इभेण्ट समेटिएको ‘बूढीगण्डकी बीच’ कार्यक्रम उद्घाटन भएको पहिलो दिन शनिबार र आइतबार दुई दिनमा ७० जनाले र्‍याफ्टिङ र २५ जनाले क्यानोनिङमा भाग लिए । गाउँपालिकाका अध्यक्ष गुरुङले भने, “आन्तरिक तथा बाह्य पर्यटकलाई प्रवद्र्धन गर्ने उद्देश्यले माघ १५ गते मितिनी मेलाको उपलक्ष्यमा हेलिकोप्टरबाट तल्लो मनास्लु र माथिल्लो मनास्लुको अध्ययन गर्ने, इपिसेण्टर साइक्लिङ, ट्रेल साइक्लिङ गर्नेसहितका सबै इभेण्टहरु जोडेर प्याकेज घोषणा गर्ने तयारीमा छौ । विभिन्न प्राकृतिक झरनाहरुको अध्ययन गरी देशकै ठूलो क्यानोनिङ हवको रुपमा विकास गर्ने हाम्रो लक्ष्य रहेको छ।”

    धार्चे पर्यटन प्रवद्र्धन समितिले यसको व्यवस्थापन गर्ने गरी जिम्मेवारी दिएको पनि उनले जानकारी दिए ।

    समितिले लामो दुरीको र्‍याफ्टिङ गर्नेहरुका लागि तातोपानीदेखि लापुवेशीसम्म र छोटो दुरीमा र्‍याफ्टिङ गर्न चाहनेलाई माछाखोलादेखि लापुवेशीसम्मको प्याकेज खुल्ला गरेको जनाएको छ । साथै यहाँ छरिएर रहेको तातोपानीका मुहानलाई व्यवस्थित गरि कुण्ड तयार गर्ने काम अगाडि बढिसकेको छ ।

    त्यसैगरी नेपाल पर्यटन बोर्डका सदस्य तथा धार्चे पर्यटन प्रवद्र्धन समितिका प्रमुख सल्लाहकार अवधेष दासले धार्चे गाउँपालिका विश्वमै पहिलो पटक आइएमटिए (इन्टरनेशनल माउण्टेन टुरिष्ट एलायन्स) को सदस्यता स्वीकृत हुनु गौरवको विषय भएको बताए । यो गाउँपालिकाको कार्यदक्षताको मूल आधार भएको पनि उनले बताए । उनले भने ‘बोर्डबाट हामीले सक्ने सहयोग गर्दै समय अनुकूलता बनाई विभिन्न अरु मुलुकका पर्यटन आवद्ध संस्थालाई यस कार्यक्रममा जोड्नेछौ ।”

    गाउँपालिकाका अध्यक्ष सन्तोष गुरुङको अध्यक्षतामा सम्पन्न सो समारोहमा आरुघाट गाउँपालिकाका प्रमुख पूर्ण दाहाल, भीमसेन थापा गाउँपालिकाका प्रमुख इश्वर पाण्डे, गण्डकी गाउँपालिकाकी उपप्रमुख ललिता अधिकारी, गोरखा नगरपालिकाकी उपप्रमुख बिनाकुमारी श्रेष्ठ, पालुङटार नगरपालिकाकी उपप्रमुख पम्फा बसेल, सिरानचोक गाउँपालिकाकी उपप्रमुख रीता देवकोटा र अजीरकोट गाउँपालिकाकी उपप्रमुख चन्द्रमाया गुरुङ सहभागी थिए ।

    क्यानोनिङ प्रवद्र्धनका लागि छाँगो नेपालका अध्क्षय किशोर शाहीले प्रशिक्षण दिँदै आएका छन्। धार्चे गाउँलार्इ काठमाडौँबाट धादिङ, आरुघाट भएर धार्चेसम्म सडक मार्गले नजिक बनाएको छ।

    गाउँपालिकाका अध्यक्ष सन्तोष गुरुङको अध्यक्षतामा सम्पन्न सो समारोहमा आरुघाट गाउँपालिका का प्रमुख पूणर् दाहाल, भीमसेन थापा गाउँपालिकाका प्रमुख इश्वर पाण्डे, गण्डकी गाउँपालिकाकी उपप्रमुख ललिता अधिकारी, गोरखा नगरपालिकाकी उपप्रमुख बिनाकुमारी श्रेष्ठ, पालुङटार नगरपालिकाकी उपप्रमुख पम्फा बसेल, सिरानचोक गाउँपालिकाकी उपप्रमुख रीता देवकोटा र अजीरकोट गाउँपालिकाकी उपप्रमुख चन्द्रमाया गुरुङ सहभागी थिए ।

    प्रतिकृया दिनुहोस्

    प्रधानमन्त्री ओलीलाई भित्तामा पुर्याइदिने चेतावनी

    आन्दोलनरत नेपाल कम्युनिष्ट पार्टी (नेकपा) का अध्यक्ष प्रचण्डले प्रधानमन्त्री केपी ओलीलाई भित्तामा पुर्याइदिने चेतावनी दिएका...

    चाँगुनारायणमा जग्गा हेर्ने बहानामा ज्यान लिने मूख्य योजनाकार पक्राउ

    जग्गा हेर्ने बहानामा कुटपिट, लुटपाट र हत्यामा संलग्न भएको अभियोगमा मूख्य अभियुक्त पक्राउ परेका छन्...

    भक्तपुरमा नेता श्रेष्ठले भने : राष्ट्रबादी मुकुण्डो लगाएर प्रधानमन्त्रीले दलाली गरे

    नेपाल कम्युनिष्ट पार्टी (नेकपा) को प्रचण्ड-नेपाल समूहले भक्तपुरको चारवटै नगरमा एकैपटक प्रतिगमन विरुद्ध विरोध प्रदर्शन...

    नेपाल बन्दकाे आह्वान !

    उच्च तहको नेता पक्राउ परेपछि प्रतिवन्धित नेकपाका महासचिव नेत्रविक्रम चन्द ‘विप्लव’ले प्रेस बक्तब्य जारी गरेका...

    प्रधानमन्त्री ओली देशमा बस्नै नसक्ने अवस्था आउने देउवाकाे दावी

    नेपाली कांग्रेसका सभापति शेरबहादुर देउवाले अदालतले प्रतिनिधिसभा विघटनलाई बदर गर्ने विश्वास व्यक्त गरे । यदि...