News Portal

  • रित्तै फर्कियो प्रहरी, अब सिलवाल पक्राउ पर्छन कि पर्दैनन् ?

    इमान्दार संवाददाताकाठमाडौं ।
    ६५४ पटक
    काठमाडौं ।

    सरकारी कागजपत्र कीर्ते मुद्दाको अनुसन्धानका लागि एमाले सांसद तथा पूर्वडिआइजी नवराज सिलवाललाई पक्राउ गर्न गएको प्रहरी रित्तो हात फर्किएको छ।

    महानगरीय प्रहरी वृत्त सातदोबाटोबाट खटिएको प्रहरी टोली मंगलबार बेलुका ललितपुरको गोदावरीस्थित सिलवालको घरमा पुगेको थियो। तर, सिलवाल घरमा थिएनन्।

    महानगरीय प्रहरी परिसर काठमाडौंले सिलवाललाई पक्राउ गरी बुझाउन मंगलबार ललितपुर प्रहरीलाई पत्राचार गरेको थियो। पत्र प्राप्त गरेलगत्तै ललितपुर प्रहरीको टोली सिलवाल निवास पुगेको हो।

    आइजिपी बढुवासम्बन्धी मुद्दामा सिलवालले पेश गरेको कार्यसम्पादन मूल्यांकन सम्बन्धी कागजपत्र नक्कली भएको सर्वोच्च अदालतले फैसला गरिसकेको छ। सोही फैसला कार्यान्वायनका लागि गत पुस ५ गते महानगरीय प्रहरी परिसर काठमाडौंमा जाहेरी दर्ता भएको थियो। सो मुद्दाको अनुसन्धानका लागि सिलवाललाई पक्राउ गरी बुझाउन काठमाडौं परिसरले ललितपुर परिसरलाई पत्राचार गरेको थियो।

    परिसरको पत्रअनुसार नै प्रहरी सिलवाल निवासमा पुगेको महानगरीय प्रहरी परिसर ललितपुरका एसएसपी गणेश ऐरले बताए।

    स्रोतका अनुसार केही दिनअघि नै उनले घर छाडिसकेका थिए। सिलवालले एक कार्यक्रममा भाग लिन मलेसिया गएको दाबी गरेका छन्। तर, त्रिभुवन अन्तर्राष्ट्रिय विमानस्थलको अध्यागमन रेकर्डमा उनी विदेश गएको देखिन्न।

    अब विदेशबाट फर्किएलगत्तै उनलाई पक्राउ गर्न प्रहरी कुरेर बसेको छ ।

    प्रतिकृया दिनुहोस्

    मोटरसाइकल ठोक्किँदा दुई जनाको मृत्यु

    झापाको मेचीनगर नगरपालिका पिपलडाँगीमा गएराति मोटरसाइकल ठोक्किँदा दुई जना चालकको ज्यान गएको छ । दुर्घटनामा...

    राष्ट्रपतिको कदमप्रतिगमनको नयाँ स्वरुपः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको...

    एकथरी मान्छेहरु प्रचण्ड सिद्धियोस् भनेर रातदिन धुप हाल्छन्ः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एकथरी मान्छेहरुले प्रचण्ड सिद्धियोस् भनेर रातदिन बसेर धुप...

    सिट बाँडफाँटको विषयमा प्रचण्ड, माधव नेपाल र उपेन्द्र यादवबीच छलफल

    सत्ता गठबन्धनमा सिट बाँडफाँटको विषयमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका...

    सशस्त्र प्रहरी बलको निरीक्षकसहितका पदमा दरखास्त आह्वान

    सशस्त्र प्रहरी बलले निरीक्षकसहितका पदमा आवेदन आह्वान गरेको छ । रिक्त पदपूर्तिका लागि सशस्त्र प्रहरी...