पश्चिम रुकुमबाट दाङ जाँदै गरेको मोटरसाइकल सल्यान कपुरकोटमा रोकिराखेको ट्रकसँग ठक्कर खाँदा मोटरसाइकलमा सवार दुई जनाको मृत्यु भएको छ।

आइतबार साँझ रा ३ प ८५९६ नम्बरको मोटरसाइकल रा १ ख ९३९ नम्बरको मिनि ट्रक संग ठोक्किएको जिल्ला प्रहरी कार्यालय सल्यानले जनाएको छ।

मृत्यु हुनेमा पूर्व रुकुमका अन्दाजी ३२ वर्षीय दिलिप बुढा र उनकी श्रीमती सम्झना बुढा रहेका छन् । सम्झनाको घटना स्थलमै मृत्यु भएको हो भने दिलिपको उपचारका लागि राप्ती उपक्षेत्रीय अस्पताल दाङ लैजाँदै गर्दा मृत्यु भएको प्रहरीको भनाई छ । उनीहरुले पश्चिम रुकुमको सदरमुकाम मुसीकोट खलंगामा लामो समय देखि व्यापार गर्दै आएका थिए।

प्रहरीले मिनिट्रक र चालकलाई नियन्त्रणमा लिएर थप अनुसन्धान गरिरहेको सल्यानका डिएसपी भरत बिकले जानकारी दिए ।