विद्यालयबाट हाइकिङ्गमा जादा ६ दिनदेखि हराइरहेका १७ वर्षीय जोन तामाङ  भेटिएका छन । फूलचोकीको जंगलबाट हराएका तामाङ  बुधबार जंगलको ओडारमा  भेटिएका हुन् ।
जंगलको ओडारमा एक किशोर भेटिएको भन्ने सूचना पाएपछि प्रहरी र अभिभावक सहितको टोली घटनास्थल पुगेको थियो । तामाङ हराएकै स्थान फुलचोकीको सेतो कखरा भन्ने डेन्जर जोनको एउटा खाल्डोमा बुधबार साँझ लगभग साढे ५ बजेतिर परेका हुन् ।

थसिखेलस्थित अजय शिक्षा सदन विद्यालयका प्रिन्सिपल दुर्गा बहादुर ओलीसहित ११ जना विद्यार्थी हाइकिङ गर्ने भन्दै  फुलचोकी गएका थिए । फर्कने क्रममा ६ कक्षामा पढ्ने जोन हराएका थिए ।

दिउँसो साढे ३ देखि जोन तामाङ सम्पर्कविहिन भएको भएपनि विद्यालयका प्रिन्सिपल ओलीले जोनका आफन्तलाई ५ घण्टा पछि खबर गरेपछि अनुसन्धान प्रिन्सिपल पट्टि केन्द्रित भएको थियो ।

जोन भेटीए संगै उनको परिवार , बिद्यालयका साथै छरछिमेकमा समेत खुशियाली छाएको छ । अहिले उनको बि एण्ड बि अस्पतालमा उपचार भैराखेको सूचना प्राप्त भैएको छ ।