सर्लाही, २९ माघहुने बिरुवाको चिल्लो पात भने झैँ सर्लाही हरिवन -४ सासापुर गणेशचौकका एक १४ बर्षिय बालकले ई-साईकलको निर्माण गरेका छ्न् । जुटपानीको श्री नवजीवन विद्याश्रम उमाविमा कक्षा-८ मा अध्यनरत निश्चल (स्वर्णिम)पौडेलले आफ्नै गाउँघरमा खेर गएका पुराना सामान को प्रयोग गरेर ब्याट्रीबाट चल्ने ३ पाङ्ग्रे ईलेक्ट्रोनिक साईकल बनाएका हुन् ।
सानै देखि तीक्ष्ण बुद्धि भएका पौडेलले कसैको सहयोग बिना नै ई-साइकल बनाएको उनका अभिभावकले जानकारी गराए । यस भन्दा अगाडी पनि सोलर टर्च ,रेडियो तथा टिभी समेत बनाउदै आएको स्वर्णिम का बुबा काशिनाथ पौडेल बताउँछन ।
उनी उमेरले कलिलै भए पनि उनको दिमागी क्षमता प्रसंसनीय पाइएको छ । उनी सधै इलेक्ट्रीक उपकरणसंग खेल्न मनपराउने र त्यसको बारेमा खोजीनिती गरिरहने स्वभावका भएका बताउछन उनका साथी भुवन बिक । ”खेल्नमा भन्दा स्वर्णिम इलेक्ट्रीक उपकरण बनाउनमा व्यस्त हुन्छ।” बिकले भने ।
लालबन्दी-२ जुटपानीस्थित नवजीवन विद्याश्रम उमाविका शिक्षकहरु समेत उनको प्रतिभा देख्दा दंग छन् । कक्षा ८ मा पढ्ने पौडेल आफु मोटरसाईकल , ट्र्याक्टर चलाउन को साथै धुर्मुस सुन्तली ले बनाउने घर जस्तो नभए पनि सामान्य रुपको भुकम्प प्रतिरोधात्मक घर को निर्माण गर्न सक्ने दावी गर्छन । उनले घर मा प्रयोग हुने इलेक्ट्रीक उपकरण को निर्माण आफैले गर्न सक्ने बताए ।
उनी भन्छन् ”लाईन आए पछि सोलर ल्याम्प अन, अटो कट ,अफ ,दिउसो को समय मा बति अफ ,घर भित्र मानिश को प्रबेश सङै बति अन र बाहिर निस्के पछि आफै अफ हुने जस्ता प्रविधिका काम गर्न सक्छु ।”
आफुमा धेरै चिजको निर्माण गर्ने सोच भए पनि अर्थको अभावमा गर्न नसकेको उनी बताउँछ्न ।
हेर्दा सामान्य लागे पनि बाल प्रतिभालाई हौसला र प्रेरणा दिन सके ठुला आविस्कार पनि सम्भव हुन् सक्ने स्थानीय बुद्धिजीविहरु बताउँछन् ।
पौडेल जस्तै प्रतिभावान् बिद्यार्थीहरुको पहिचान गर्दै अवसर दिन सक्नु नै राज्यको दायित्व हो । यसतर्फ सम्बन्धित सबैको ध्यान जानु जरुरी छ ।