राैतहट, ६ फागुनगृह जिल्ला रौतहट आइपुगेका नेकपा एमालेका वरिष्ठ नेता माधवकुमार नेपालले एमाले – माओबादी केन्द्र बीच पार्टी एकता हुने निश्चित भएको भनेका छन । नेता नेपालले यस बिषयमा अनावश्यक शंका गरेर टाउको नदुखाउन पनि भनेका छन्् ।
”अहिलेको दुइटा कम्युनिष्ट पार्टी नेकपा (एमाले) र नेकपा (माओवादी केन्द्र) एक हप्ता भित्र एउटै पार्टी हुन्छ ।” नेता नेपालले भने । रौतहटको गौरमा आइतवार एक कार्यक्रमका बीच उनले एकताको मिति तोकेका हुन् ।
एक दुइ दिनमै एकता हुने हल्ला लामो समयदेखि चले पनि एकता हुन् नसक्दा बिभिन्न शंका उपशंका हुदै आएका छन । ‘शंका गर्नुपर्ने आवश्यकता छैन, जनताको म्यान्डेड नै एकता हो । हतार नगरौ भनेर समय लिएको मात्र हो ।” उनले भने ।
अहिले मिठो , पछिको तितो हुनु नहुने भन्दै नेता नेपालले अहिले नै सबै कुरा मिलाएर मात्र एकता गरिने खुलासा समेत गरे ।
नेता नेपालले उक्त अवसरमा रौतहटको मात्र नभई समग्र तराइ मधेसकाे लागि आवश्यक हुलाकी राजमार्ग, राजधानीसँग तराई जोड्ने फाष्टट्रयाक, अन्तर्राष्ट्रिय विमानस्थल निर्माण लगायतका कार्यमा सरकारले तीव्रता दिने पनि दाबी गरे ।
उक्त अवसरमा उनले प्रतिनिधिसभा र प्रदेशसभा सदस्यलाई सम्मान गर्नुका साथै विभिन्न पार्टी परित्याग गरि एमालेमा प्रवेश गर्ने नवप्रबेशीहरुलाई पार्टी प्रवेश समेत गराएका थिए ।