भक्तपुर, ९ फागुनदेउवा सरकारको निर्णय आलटाल गरेकी राष्ट्रपति बिद्या देवी भण्डारीले केपी ओली सरकारको सोही निर्णय एकैदिनमा कार्वान्यन गरेको भन्दै आलोचित बनेकी छन ।
मंगलबार विहान बसेको मन्त्रिपरिषदको बैठकले यसअघिको सरकारको निर्णय उल्टाउँदै तीन जनाको नाम राष्ट्रियसभा सदस्यका सिफारिस गर्यो र त्यसलाई सोही दिन राष्ट्रपति ले मनोनयन गरेपछि पक्षपातको आरोप लागेको हो ।
शेरबहादुर देउवा सरकारले माघ २६ गते गरेको निर्णय राष्ट्रपति भण्डारीले अनुमोदन गरेकी थिइनन् तर ओली सरकारको निर्णय निर्णय एकै घन्टामै अनुमोदन गरिन ।
ओली सरकारले पूर्व गभर्नर तथा एमालेका अर्थ सल्लाहकार युवराज खतिवडा , माओबादी केन्द्रका नेता तथा बरिष्ठ अधिबक्ता रामनारायण बिडारी र विमला पौडेल लाई राष्टिय सभा सदस्यमा गरेको मनोनयन राष्ट्रपतिले अनुमोदन गरेकी हुन् ।
राष्ट्रपति भण्डारीले अनुमोदनका लागि आफ्नो पीए रहेकी विमलाको नाम पार्न लगाएको चर्चा छ । एमालेबाट खतिवडा , माओबादी केन्द्रबाट बिडारी र राष्ट्रपति भण्डारीको कोटाबाट विमलाको नाममा कुरा मिलेपछि मात्र देउवा सरकारको निर्णय सजिलै उल्टेको स्रोतको दावी छ ।