हेटौडा, १० फागुननेकपा एमाले र माओबादी केन्द्रको एकताको कुराले मकवानपुरका बाम बिद्यार्थीहरु उत्साहित भएका छन । बुधवार बिद्यार्थीहरुले एकता गर्ने ७ बुँदे निर्णयको स्वागत कार्यक्रम सम्पन्न गरेका छन ।
मकवानपुर बहुमुखी क्याम्पसका अखिल क्रान्तिकारी र अनेरास्ववियुले संयुक्तरूपमा एकता गर्ने ७ बुँदे निर्णयको स्वागत गर्दै दीप प्रज्वलन गरेका हुन् ।
सयौको संख्यामा रहेका बिद्यार्थीहरुले पार्टीको झण्डा र चुनाव चिन्ह अंकित चित्र बनाइ त्यसको वरिपरी दिप प्रज्वलन गरे । कार्यक्रमका अतिथि हेटौडा उपमहानरपालिका – १२ का वडाध्यक्ष ललित घलानले बिद्यार्थीहरुको साथले पार्टी एकता अगाडी बढेको बताएका थिए । उनले सबै बाम एक ठाम आउनुको बिकल्प नभएको भन्दै कम्युनिष्टहरु एक जुट भएर अगाडी बढ्नुपर्ने बताए ।
उक्त कार्यक्रमको संचालन अखिल क्रान्तिकारी मकवानपुर बहुमुखी क्याम्पस इकाई समितिका क्याम्पस संयोजक रामकृष्ण सिवाकोटीले गरेका थिए भने समापन अनेरास्ववियुका क्याम्पस अध्यक्ष एमबी बस्नेतले गरे ।
