भक्तपुर, २७ चैतनेपाल प्रहरी र ससस्त्र प्रहरीले नयाँ महानिरीक्षक पाएको छ । नेपाल प्रहरीमा सर्वेन्द्र खनाल र ससस्त्रमा शैलेन्द्र खनाल नियुक्त भएका छन् ।
मंगलबार साँझ बसेको मन्त्रिपरिषद्को बैठकले दुई खनाल बन्धुलाई कमाण्ड सुम्पेको हो । यी दुवै खनाल बुधबारदेखि महानिरीक्षक हुने सूचना तथा सञ्चार राज्य मन्त्री गोकुल बाँस्कोटाले जानकारी दिएका छन ।
सर्वेन्द्र खनालसँगै रमेश खरेल र पुष्कर कार्की दौडमा थिए भने शैलेन्द्रसंग पुष्पराम केसीको प्रतिष्पर्धा थियो ।
आफ्ना एकैब्याचका खरेल र कार्कीलाई पछि पार्दै सर्वेन्द्र नेपाल प्रहरीको प्रमुख पद प्राप्त गर्न सफल भए । डीआईजी बढुवाको बरियतामा खनाल पहिलो, खरेल दोस्रो र कार्की तेस्रो नम्बरमा थिए । यता ससस्त्रका शैलेन्द्र आफ्ना एक मात्र प्रतिष्पर्धी केसीभन्दा १० महिना सिनियर थिए ।
यस अघि देउवा सरकारको प्रहरी प्रमुख बिबाद बात पाठ सिक्दै बाम सरकारले यो पटक सिनियरलाई प्रमुख बनाएर बिबाद बाट बच्न खोजेको गृह मन्त्रीको सचिवालय श्रोतले जनाएको छ ।
”यो निर्णय उत्तम मात्र होइन यसपछिका सरकारका लागि समेत अनुकरणीय हो ।” सचिवालय श्रोतले दावी गर्यो ।