इभक्तपुर संवाददाताचितवन, १८ बैशाख
चितवन, १८ बैशाखविश्वभर श्रमिक दिवस मनाइरहदा गृहमन्त्री रामबहादुर थापा बादलको गृहनगरमा भने एक किसानको केराबारीमा केराका बोटहरु काटिएका छन ।
कालिका नगरपालिका – ६ स्थित एक केराबारीमा करिब ३ हजार ५ सय केराका बोटहरु काटिएका हुन् ।
अज्ञात व्यक्तिहरुले केराको बोट काटेको स्थानियले बताएका छन । केराको घरिसहितका बोटहरु काटिदा मानिसहरुको मन कुँडिएको छ ।
स्थानीय प्रहरीले रिसइबीका कारण कसैले यस्तो अपराध गरेको हुनसक्ने भन्दै अनुसन्धान तीब्र बनाएको बताएको छ ।
सामाजिक संजालमा सरकारप्रति आक्रोस पोख्दै स्थानीय बुद्धिजिवी राजेन्द्र घायलले लेखेका छन् :
काम गरेर खान्छु भन्दा नि अनेक झमेला आइपर्ने
पापीले लखेट्छन सोझालाई विदेश नगएर के गर्ने ?
गरेर खान्छु भन्नेलाई काम गर्ने बातावरण दिलाऊ
जनतालाई नतड्पाउ सरकार, कि ओखती देउ मर्ने !