सर्लाही, १८ भदाैसर्लाहीको लालबन्दीमा ट्युसन पढ्न गएका दुई छात्रामाथि आफ्नै शिक्षकले यौन दुराचारको प्रयास गरेका छन् ।
लालबन्दी-५ का कक्षा ७ मा पढ्ने दुई छात्रालाई २४ वर्षिय शिक्षक सिहासन रायले यौनजन्य अपराध गरेको पीडित छात्राका अभिभावकहरुले गुनासो गरेका छन् ।
हरिपुर्वा- ८ स्थायी ठेगाना भएका रायले लालबन्दीस्थित आफ्नो डेरामा ट्युसन पढ्न आएका ११ वर्षका दुई छात्रामाथि पटकपटक यौन दुराचारको प्रयास गरेको पीडित बालिकाहरुले घरमा बताएपछि शिक्षकको कर्तुत बाहिर आएको हो ।
पढाउनेक्रममा शिक्षक रायले विभिन्न बहाना बनाएर गोप्य अङ्ग छुने गरेको पीडित छात्राहरूले आफुहरुलाई बताएको एक अभिभावकले जानकारी गराए । पीडित परिवारले ईलाका प्रहरी कार्यालय लालबन्दीमा शिक्षक राय बिरुद्ध किटानी जाहेरी समेत दर्ता गराएका छन्।
यस बारेमा जिल्ला प्रहरी कार्यालय सर्लाहीका प्रहरी उपरीक्षक पोषराज पोख्रेलसंग बुझ्दा किटानी जाहेरी परेको र प्रहरीले पीडकलाई कारवाहीको लागि प्रकृया अगाडि बढाएको भए पनि नयाँ मुलुकी एेनमा ब्यबस्था भए अनुसार अदालतको पत्र नआएको हुदाँ कारवाही तत्काल गर्न नसकेको प्रतिकृया प्राप्त भएको छ ।
शिक्षक राय बिगत केहि महिना देखि लालबन्दीको एक नीजि विद्यालयमा अध्यापन गराउदै आएका छन् ।