सर्लाहीको दक्षिणी क्षेत्र रामनगरबाट प्रहरीले बन्दुक बरामद गरेकाे छ । रामनगर गाउपालिका -४ स्थित स्थानीय अनुपलाल महताेकाे घर नजिकै रहेकाे धान चुट्ने खरिनमा राेकि राखेकाे बयलगाडामा लुकाई राखेकाे एकनाले बन्दुक प्रहरीले नियन्त्रणमा लिएकाे हो ।

प्रहरी प्रवक्ता विश्वराज खड्काले बताए अनुसार बयलगाडामा परालले छाेपि बन्दुक लुकाएकाे भन्ने गाेप्य सूचनाका अाधारमा खोजी गर्दा बन्दुक फेला पारिएकाे हो । बन्दुक कस्ले राख्याे भन्ने यकिन भई सकेकाे छैन । बयलगाडा धनी स्थानीय लालबाबु रायलाई साेधपुछका लागि प्रहरीले नियन्त्रणमा लिएकाे छ ।

यस अघि कार्तिक ३ गते पनि जिल्लाकाे उत्तरी क्षेत्र हरिवन नगरपालिका वडा नम्वर ६ स्थित सागरनाथ वन विकास परियाेजनाकाे जंगलमा रोकि राखेकाे टेम्पाेबाट एक थान भरुवा बन्दुक बरामद गरिएको थियो ।