काठमाडौं, २ फागुन
काठमाडौं, २ फागुन उर्जा, जलस्रोत तथा सिंचाई मन्त्रालयले ‘जनताको जलविद्युत आयोजना’ कार्यक्रमको शुभारम्भ गर्दैछ । काठमाडौको राष्ट्रियसभागृहमा प्रधानमन्त्री केपी शर्मा ओलीले उक्त कार्यक्रम उद्घाटन गर्ने भएका हुन् ।
मन्त्रालयले जनाए अनुसार यो कार्यक्रम सुरु भएसंगै सरकारले जनतालाई सेयर लगानीको अवसर दिएर जलविद्युत आयोजना निर्माण गर्नेछ । यसबाट सबै नेपालीको आयोजनामा पहुच हुने र यसले एकातर्फ पूजी निर्माण हुने र अर्कोतर्फ जनतालाई लगानीको अवसर प्राप्त हुने बताइएको छ ।
आर्थिक वर्ष २०७५–०७६ को बजेट वक्तव्यमा जनताको सहभागितामा करिब ३ हजार मेगावाट जलविद्युत आयोजना निर्माण गर्ने अभियान सुरु गर्ने घोषणा भएको र त्यसैअनुरुप बिहीबार त्यसको घोषणा गर्ने कार्यक्रम भएको उर्जामन्त्री बर्षमान पुनले बताए ।