लमजुङ, १३ भदौ
लमजुङ, १३ भदौ लमजुङको बेँसीशहर नगरपालिका–१ स्थित गाईखुरे झरनाबाट खसेर एक नेपाली सैनिकको मृत्यु भएको छ। श्रीजङ् गणमा कार्यरत नेपाली सेनाका लेसनायक ३१ वर्षीय विजय श्रेष्ठको मृत्यु भएको हो।
मृतक श्रेष्ठ काभ्रेपलाञ्चोक जिल्लाको बनेपा नगरपालिका–१० स्थायी घर भै नोकरीको सिलसिलामा श्रीजङ् गणमा कार्यरत थिए ।
सरसफाइ गर्ने क्रममा झरनाबाट खसेर घाइते भएका श्रेष्ठको शुक्रवार ज्यान गएको हो । बेँसीशहरस्थित जिल्ला सामुदायिक अस्पतालमा उपचारका क्रममा उनको ज्यान गएको प्रहरी निरीक्षक वसन्त रानामगरले बताए ।
केही दिन अघि आयोजना गरिएको प्रथम क्यानोनिङ महोत्सवका कारण थुप्रिएको फोहोरमैला सफा गर्न नेपाली सेनाको टोली गाईखुरेमा खटाइएको थियो । सरसफाइको क्रममा श्रेष्ठ चिप्लिएर लडेका थिए ।