नेत्रविक्रम चन्द ‘विप्लव’ नेतृत्वको नेकपाका २१ जना नेता कार्यकर्ता एकसाथ पक्राउ परेका छन् । दाङको राजापुरबाट उनीहरु एकसाथ पक्राउ परेका हुन् ।

गएराती मुंग्रेटा खोलामा बैठक बसिरहेका अवस्थामा प्रहरीले घेरा हाली करीब १ बजे उनीहरुलाई पक्राउ गरेको हो । पक्राउ पर्नेमा नेकपा महासचिव विप्लवका दाजु केन्द्रीय सदस्य चन्द्रबहादुर चन्द ‘वीरजंंग’, राप्ती ब्यूरो इन्चार्ज केशवबहादुर बाठा ‘सुवास’ र दाङ इन्चार्ज सबिन पोखरेल, युवा संगठनका केन्द्रीय अध्यक्ष पाटन शेर्पालीसहित २१ जना रहेको श्रोतले बताएको छ ।

उक्त भूमिगत पार्टीका राप्ती ब्यूरोको नेताकार्यकर्ता पक्राउ परेका प्रहरीले पुष्टि गरेपनि नाम सार्वजनिक गरेको छैन । उनीहरुलाई जिल्ला प्रहरी कार्यालय दाङ ल्याइदै गरेको जानकारी प्राप्त भएको छ ।