नेपालस्थित जनवादी गणतान्त्रिक चीनको दुतावासले महानगरीय प्रहरी कार्यालय काठमाडौलाई सहयोग स्वरूप २३ वटा मोटरसाइकल हस्तान्तरण गरेको छ । मंगलबार एक कार्यक्रमका बीच ५६ लाख ३२ हजार ७ सय रूपैया बराबरका २३ मोटरसाइकल हस्तान्तरण गरिएको हो ।
महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक शैलेश थापा क्षेत्रीलाई मंगलबार आयोजित कार्यक्रममा चिनियाँ दुतावासका प्रथम सचिव वाङ्ग सी लङ्गले उक्त मोटरसाइकल हस्तान्तरण गरेका हुन् ।
सो अवसरमा चिनियाँ दुतावासका प्रथम सचिव वाङ्गले मोटरसाइकल हस्तान्तरण कार्यक्रमले शदियौंदेखिको नेपाल चिनवीचको मैत्री सम्बन्धलाई थप प्रगाढ पार्ने धारणा व्यक्त गरे ।
यसले उपत्यकाका अत्याधिक जनघनत्व र भौतिक संरचनाहरूको कारणले चारपाङग्रे सवारी साधन सबै ठाउँमा पुग्न कठिन हुने अबस्थामा घटनास्थलमा तत्काल प्रहरीको पहुँच पुग्ने उनले विश्वास व्यक्त गरेका थिए ।
कार्यक्रममा प्रहरी नायव महानिरीक्षक सैलेश थापा क्षेत्रीले प्राप्त मोटरसाइकलहरूको प्रयोगबाट प्रहरी परिचालनमा थप तिव्रता आउने बताउदै उक्त सहयोगका लागी चिनियाँ दुतावासलाई धन्यवाद दिएका थिए । उपलब्ध भएका २३ वटा मोटरसाईकललाई आवश्यकता अनुसार काठमाडौ, ललितपुर र भक्तपुरका प्रहरी कार्यालयहरूलाई वितरण गरिने समेत उनले जानकारी गराए ।