२० पुसकाठमाडौँ । मलद्वारमा सुन र हिरा लुकाएर ल्याउने दुईजना त्रिभुवन अन्तर्राष्ट्रिय विमास्थलबाट पक्राउ परेका छन्।
विमास्थल प्रमुख भन्सार अधिकृत राजकुमार अधिकारीका अनुसार पाँच सय ग्राम सुन र एक सय ग्राम हिरासहित दुई भारतीय नागरिक पक्राउ परेका हुन्।
प्रहरीले सारजाबाट एयर अरेबियामा नेपाल आएका कोत्ताकुथ किजाकेथिल नौशद र मलेसियाबाट आएका मोहमद मेदिन सथाली पक्राउ परेका हुन्। भन्सार एरिया कटिसकेपछि चेकजाँच गर्दा शंकास्पद बस्तु बोकेको पाइएपछि पक्राउ परेका हुन्।
सथालीले दुई सयग्राम हिरा पेटमा राखेको र नौशदले पाँच सय ग्राम सुन मलद्वारमा राखेको पाइएपछि सिनामंगलस्थित केएमसी अस्पतालमा लगेर निकालिएको हो।
विमानस्थलमा तैनाथ प्रहरीले सत्थालीलाईचेक गर्दा शंकास्पद गतिविधि देखाएपछि उनीमाथि शंका गरिएको थियो। शंका लागेपछि प्रहरीलेउनलाई सिनामंगलस्थित कान्तिपुर मेडिकल कलेजमा लगेर चेक गराएको थियो। मेडिकल टेस्ट गराउँदा सत्थालीले क्याप्सुल बनाएर पेटभित्र २ सय ग्राम हिरा राखेको देखिएको थियो।
यस्तै, प्रहरीले सारजाहबाट आएको जी९०५९ विमानका यात्रु भारतीय नागरिक कोत्ताकुथ किजाकेइथिल नौसादको साथबाट ५ सय ग्राम सुन पनि बरामद गरेको छ। प्रहरीले उनीहरुमाथि अनुसन्धान गरिरहेको छ।