चिनियाँ दूतावासले द काठमान्डु पोस्टका सम्पादक अनुप काफ्लेले पहिलादेखि नै कुत्सित मनसायका साथ समाचारहरू छापिरहेको आरोप लगाएपछि केहि सम्पादकहरुले आपत्ति जनाएका छन् । द काठमान्डु पोस्टमा मंगलबार छापिएको एक लेखको विषयलाई लिएर साँझ विज्ञप्ति निकाल्दै चिनियाँ दूतावासले सम्पादक काफ्लेले पहिलादेखि नै कुत्सित मनसायका साथ समाचारहरू छापिरहेको आरोप लगाएको थियो ।

दूतावासले मंगलबार जारी गरेको विज्ञप्तिप्रति सम्पादकहरुले आपत्ति जनाउदै विज्ञप्तिले कूटनैतिक मर्यादा नाघेको जिकिर गरेका छन् ।

दूतावासले मंगलवार जारी गरेको विज्ञप्तिपछि बुधबार अर्को विज्ञप्ति जारी गर्दै छापा र अनलाइनका गरी १६ जना सम्पादकले चिनियाँ दूतावासको विज्ञप्तिप्रति ध्यानाकर्षण भएको भन्दै पूर्ण प्रेस स्वतन्त्रताको अभ्यास र रक्षा गर्न आफूहरू प्रतिवद्ध रहेको चेतावनी दिएका
छन् ।

यसअघि मंगलबारको द काठमान्डु पोष्टमा ‘चाइनाज सेक्रेसी ह्याज मेड कोरोनाभाइरस क्राइसिस मच वर्स’ शीर्षकमा अमेरिकाका पूर्व राजदूत रहेका इभो ड्याल्डरको लेख छापिएको थियो जसमा चिनियाँ  युआनमा भएको माओत्से तुङको तस्बिरमा मास्क लगाइएको छ ।

सोही विषयलाई लिएर मंगलबार साँझ चिनियाँ दूतावासले विज्ञप्तिमार्फत असन्तुष्टि देखाएको छ भने उक्त विज्ञप्तिले प्रेस स्वतन्त्रताको हनन गरेको केहि सम्पादकहरुको दावी छ । कतिपय सम्पादक र संचारकर्मीहरुले भने कोरोना भाइरस(कोभिड १९ )को प्रकोपले प्रभावित छिमेकी देश चीनको चहराइरहेको घाउमा नुनचुक छर्कनु राम्रो नभएको टिप्पणी गरेका छन् ।

हेर्नुस् सम्पादकका चेतावनीपूर्ण बक्तब्य