भक्तपुरपोस्ट संवाददाता पोखरा, ११ चैत
पोखरा, ११ चैत कोरोना भाइरस (कोभिड १९) बारे भ्रम फैलाएको अभियोगमा इसाई धर्म गुरु पक्राउ परेका छन् । यशूले कोरोना भाइरसका बिरामीलाई निको बनाउने भन्दै भ्रम फैलाउने पास्टर पक्राउ परेका हुन् ।
पक्राउ पर्ने पास्टर केशवराज आचार्य रहेको जिल्ला प्रहरी कार्यालय कास्कीले जनाएको छ । उनलाई प्रहरीले पोखराबाट पक्राउ गरेको हो । पोखराको पावर हाउसबाट पास्टर आचार्य पक्राउ परेका डिएसपी राजकुमार केसीले पुष्टि गरे ।
‘क्रिश्चियनलाई कोरोना नलाग्ने र यशूले कोरोनाभाइरस निको पार्ने’ जस्ता अभिव्यक्ति दिने गरेका कारण उनी प्रहरी नियन्त्रणमा परेका हुन् । मानिसहरुमा भ्रम पैदा गराएका पास्टर आचार्यको भिडियो सामाजिक सञ्जालमा भाइरल भएको छ ।जन्म थलो जुम्ला भएका आचार्य पोखरा ३२ स्थित एक चर्चमा पास्टर हुन् ।