भक्तपुरपोस्ट संवाददाता मुगु, १६ चैत
मुगु, १६ चैतबालिका बलात्कार अभियाेगमा एक युवक पक्राउ परेका छन् । १३ वर्षीया बालिकालाई बलात्कार गरेको अभियाेगमा एक २० वर्षीय युवक पक्राउ परेका हुन् ।
पक्राउ पर्नेमा खत्याड गाउँपालिका वडा नं. ४ बस्ने २० वर्षीय धर्मराज रावल रहेको प्रहरीको भनाइ छ ।उनलाई शनिबार दिउँसो प्रहरीले पक्राउ गरेको हो ।
बालिकालाई सोही गाउँमा रहेको पानीघट्टमा पुर्याएर जबरजस्ती करणी गरेको खबर प्राप्त भएपछि युवकलाई माझचौर प्रहरी चौकीबाट खटिएको प्रहरी टोलीले पक्राउ गरेको थियो ।
यस सम्बन्धमा प्रहरीले थप अनुसन्धान गरिरहेको जनाएको छ ।
