भक्तपुर, ५ बैशाखप्रमुख प्रतिपक्षी दल नेपाली काँग्रेसका सभापति शेरबहादुर देउवाले राजधानीबाट घर जाने जनताहरुलाई तत्काल सुरक्षित ढंगले गाउँ पुर्याउने ब्यवास्था गर्न माग गरेका छन् । उनले सरकारसंग यस्तो माग गरेका हुन् ।
लकडाउनका कारण राजधानीबाट घर जान चाहने नागरिकबारे चासो देखाउदै सभापति देउवाले एकसाथ ३ ट्विट गर्दै शुक्रवार यस्तो माग गरे । सामाजिक संजाल ट्विटरमा उनले लेखेका छन् ।”राजधानीबाट घर जाने ति जनताहरुलाई तत्काल गासवासको प्रवन्ध गरी सुरक्षित ढंगले गाउँ पुर्याउने व्यवस्था मिलाउन म सरकारसँग आग्रह गर्दछु।”
काठमाडौंमा श्रम गरिरहेका नागरिकहरु खाना र बस्ने व्यवस्था नुहदा सयौं किलोमीटर पैदल हिंडेर घर गइरहेका भन्दै उनले दुख व्यक्त गरेका छन् । ”सरकारको भरथेग सबैभन्दा बढि तिनै निमुखा जनतामाथि हुनुपर्ने हो।तर सरकारमा बसेकाहरु ति निमुखाहरुको त्यो यात्राको दर्शक मात्रै भएका छन।” उनले भनेका छन् ।
लकडाउनको कारण काठमाडौं लगायत विभिन्न क्षेत्रबाट खाना र बस्ने व्यवस्था नभएर पैदल हिडेर घर गइरहेका नागरिकहरुलाई खाना र बासकाे ब्यवस्था मिलाउन समेत उनले नेपाली कांग्रेसका स्थानीय तह र पार्टीको भातृ तथा सुवेच्छुक संस्थाका नेताकार्यकर्ता लाई निर्देशन दिएका छन् । ”सामाजिक दुरी कायम गरी आआफ्नो क्षेत्रमा खाना र राती भए वासको प्रवन्ध मिलाउन आग्रह गर्दछु।” उनले भनेका छन् ।