प्रतिनिधिसभाको राज्य व्यवस्था तथा सुशासन समितिमा २ वर्ष अघि देखि अड्किएको नागरिकता सम्बन्धी बिधेयक पास भएको छ । गत मंगलवार बाट समितिमा पुन: छलफल चलाइएको उक्त बिधेयक बहुमतले पास भएको हो ।

विदेशी महिलाले नेपाली पुरुष संग बिबाह गरेर लगातार ७ वर्ष नेपालमा बसेको प्रमाणित भएपछी मात्र अङ्गीकृत नागरिकता दिने व्यवस्थाको नागरिकता विधेयक २ वर्ष देखि पास हुन् सकेको थिएन । समितिको आइतबार बसेको बैठकले दुई वर्षदेखि अड्किएको नागरिकता विधेयक पास गरेको हो ।

समितिले विदेशबाट बिबाह गरी ल्याइएकी नेपाली बुहारी सात वर्ष स्थायी बसोबास गरेको प्रमाण र विदेशी नागरिकता लिएको भए सो परित्याग गर्ने प्रक्रिया चलाएको अवस्थामा मात्र अंगीकृत नागरिकता दिन विधेयकमा व्यवस्था छ । साथै, नागरिकता नपाउँदासम्मका लागि आर्थिक, सामाजिक तथा सांस्कृतिक अधिकार उपभोग गर्न ‘स्थायी आवासीय अनुमति पत्र’ दिइने व्यवस्था समेत गरिएको छ ।

समितिको निर्णयमा प्रमुख प्रतिपक्षी दल नेपाली काँग्रेस, राजपा नेपाल र संघीय समाजवादी पार्टीले फरक मत राखेका छन् । उनीहरूले बिबाह गरेर आएपछि स्वत अंगीकृत नागरिकता दिनुपर्ने जिकिर गरेका छन् ।