भक्तपुर, २५ असारसिन्धुपाल्चोकमा गएराति बाढी र पहिरोले ठूलाे क्षति पुर्याएकाे छ । बाढी र पहिरोमा परी ३ जनाको ज्यान गएकाे छ भने २० जना बेपत्ता भएका छन् ।
बाह्रबिसे नगरपालिका जम्बुमा एल्मो ठाडो खोलामा आएको बाढीले १४ घर बगाएका कारण साेह्र जना बेपत्ता भएका छन् । भोटेकोशीमा बुलकुटे ठाडो खोलाले दुई वटा घर बगाउँदा एकै परिवारका ४ जना बेपत्ता भएका छन्। स्थानीयका अनुसार बाढी आएको थाहा पाएपछि बजारबासीको रातारात भागाभाग भएको थियो । राती १२ बजे आएको बाढीले कम्तिमा १४ घर बगाएको छ । मुख्यतः ठाडाे खोलाले लेदो माटो र ढुंगा बगाएर ल्याएपछि बस्ती बगाएको थियो । राती करिव १२ बजे बाढी आएकाले सवै सुतेको अवस्थाका भाग्न कठिन भएको स्थानीयको भनाई छ । भागदाैडमा कयाैं मानिसहरु घाइते भएका छन् ।
जलेटार ब्यारेकमुनिको सडक खोलाले बगाएपछि त्यहाँ माथिको भौतिक सम्पर्क टुटेको छ । सडक भत्किएपछि अरनिको राजमार्ग अवरुद्ध भएकाे छ । अरनिको राजमार्गअन्तर्गत बाह्रबिसे–कोदारीखण्डको खगदल भन्ने स्थानको पक्की पुल र डाडे खाेलकाे पुल नै बाढीले बगाएकाे छ । पक्की पुल नै बगाएपछि त्यहाँ आवतजावत पूर्णरुपमा बन्द भएको छ । ड्यामसाइडको भितोसहित बगाएको हुँदा त्यहाँ माथि जान सक्ने अवस्था छैन् । जम्बुलगायत तातोपानी क्षेत्र जानका लागि मानेश्वाराको बाटो हुँदै जानुपर्ने हुन्छ । यताबाट जान नसकिने हुँदा उता के भएको छ भन्ने एकिन विवरण प्राप्त भएको छैन् । सेना र प्रहरी उद्धारमा सक्रिय रहेकाे छ । हिजो मात्रै मोतियाविन्दुको शल्यक्रिया गरेका सभामुख अग्नी सापकोटा पनि उद्धारका लागि पुगेका छन् । तर, खराब माैसमका कारण हेलिकप्टर उड्न नसकेपछि घाइतेकाे उद्धार हुन सकेकाे छैन ।
तस्विर : सिन्धुखबर