कक्षा १२ को परीक्षाफल प्रकाशन भएको छ । राष्ट्रिय परीक्षा बोर्ड, सानोठिमीले सोमबार बिहान परीक्षाफल प्रकाशित गरेको हो ।

गत बैशाख ८ गते देखि सञ्चालन हुनु पर्ने कक्षा १२ को परीक्षा कोरोना भाईरस संक्रमणका कारण गत मंसिर ९ गते देखि सञ्चालन गरिएको थियो ।भक्तपुर पोस्टलाई प्राप्त जानकारी अनुसार नियमित तर्फ ३ लाख १० हजार ३ सय १६ परीक्षार्थी सामेल रहेका थिए । उनीहरुले पाएको जिपिए यस्तो छ :  ६ हजार ९१६ परीक्षार्थीको ३.६१ देखि ४ जिपिए आएको छ । यस्तै, ३.२१ देखि ३.६० जिपिए ल्याउने परीक्षार्थीको संख्या ३८ हजार ४८० रहेको छ । ७६ हजार ८४१ जनाले २.८१ देखि ३.२० जिपिए ल्याउँदा १ लाख ९ हजार ३१२ जनाको जिपिए २.४१ देखि २.८० आएको छ । २.०१ देखि २.४० जिपिए ल्याउने परीक्षार्थीको संख्या ५२ हजार ४२७ रहेको छ ।

यस्तै, १.६१ देखि २.० जिपिए ल्याउने परीक्षार्थीको संख्या ७ हजार १६४ रहेको छ । ३ सय ३३ जनाले १.२१ देखि १.६० जिपिए ल्याउँदा ४ जनाको जिपिए ०.८१ देखि १.२० आएको छ । ०.०० देखि ०.८० जिपिए ल्याउने परीक्षार्थीको संख्या १८ हजार ८३९ रहेको छ ।

                             परीक्षाफल www.neb.gov.np मा हेर्न सकिनेछ ।