भक्तपुर, ११ चैतनेपालका विभिन्न ठाउँहरूमा लुकिछिपी बसेर मानव बेचविखन तथा ओसारपसार मुद्दाका फरार अभियुक्त चाँगुनारायण नगरका रामशरण पण्डित क्षेत्रीलाई घटनाको २८ वर्षपछि सोमबार प्रहरीले पक्राउ गरेको छ ।
साउदी अरबमा १२ वर्ष नेपालमा विभिन्न समयमाम लुकिछिपी मानव बेचविखन र ओसार पसारपसारको मुद्दामा २८ बर्ष अधि नै जिल्ला प्रहरी कार्यालय काठमाडौंमा जाहेरी पेश गरेकोमा हालसम्म फरार रहेका उनलाई प्रहरी प्रधान कार्यालय मानव बेचविखन अनुसन्धान ब्यूरो बबरमहल काठमाडौंबाट खटिएको प्रहरीले सोमबार उनलाई पक्राउ गरेको हो ।
रामशरणले आर्थिक अवस्था कमजोर भएका २ जना महिलालाई विभिन्न व्यक्तिहरूसँग भेट गराई भारतको महाराष्ट्रमा हिरा पाउँछ महिलाले लुकाई नेपाल ल्याउँदा पक्राउ पर्दैन, बाटोमा लाग्ने सबै खर्च हामीले व्यहोर्छौँ र हिरा ल्याए वापत जनही ६ हजार रूपैयाँका दरले ज्याला दिनेछौँ भनि प्रलोभनमा पारी काठमाडौं कलंकीबाट वीरगंजको रक्सौल नाका हुँदै मुम्बई पुर्याई कोठी सञ्चालिकाहरूकोमा बेचेको र लामो समयपछि मुम्बई प्रहरीको सहयोगमा उक्त महिलाहरुलाई उद्दार गरेपछि उक्त व्यत्तिलाई पक्राउ गरेको हो ।