भक्तपुर, ७ जेठ २०७८संविधानको धारा ७६(५) अनुसार नयाँ सरकारको लागि राष्ट्रपति विद्यादेवी भण्डारीले आह्वान गरेको समयसीमामा दुई सांसदले आ आफ्नो दावी पेश गरेका छन् । शीतल निवास पुगी निर्धारित समय बेलुकी पाँच बज्नु अगावै उनीहरुले दावी पेश गरेका हुन् ।
प्रधानमन्त्री समेत रहेका केपी शर्मा ओली र पूर्वप्रधानमन्त्री शेर बहादुर देउवाले सरकार बनाउन बहुमत रहेको दावी गरेका छन् । उनीहरुले प्रतिनिधि सभा सदस्यको रुपमा उक्त दावी गरेका हुन् ।
ओलीले एमालेको १२१ र जसपाको ३२ गरी १५३ जना सांसदको सांसदको आफूलाई समर्थन रहेको दावी पत्र पेश गरेपनि एमालेका माधव समूह र जसपाको उपेन्द्र यादव समूहका सांसदहरुले काँग्रेस सभापति देउवाको पक्षमा हस्ताक्षर गरेका छन् ।
कांग्रेसका ६१, माओवादी केन्द्रका ४९, जसपाका १२, नेकपा एमालेको माधव नेपाल – झलनाथ खनाल पक्षका २६ सांसद र राष्ट्रिय जनमोर्चाका एक सांसदले देउवालाई प्रधानमन्त्री बनाउने प्रस्तावमा हस्ताक्षर गरेका छन्।