भक्तपुर, ९ जेठ २०७८प्रतिनिधि सभा विघटनको विरूद्धमा विपक्षी गठबन्धन सर्वोच्च अदालत जाने भएको छ। विपक्षी गठबन्धनले सोमबार रिट हाल्ने तयारी गरेको हो ।
नेकपा माओवादी केन्द्रका नेता वर्षमान पुनले जनाए अनुसार सोमबार बिहान १० बजे नै सर्वोच्चमा गएर रिट दिइने तयारी गरिएको छ ।
आज रिट दिने तयारी गरे पनि सांसदहरूको हस्ताक्षर र नागरिकता संकलन हुँदै गरेकोले सोमबार लाइ सारिएको हो । तर, नेता पुनले भने सबै सांसदको हस्ताक्षर भैसकेपनि भोलि बिहानै रिट हाल्ने तयारी भएको बताए।
नेकपा एमालेका नेता माधवकुमार नेपाल पक्षका २० जना आज बानेश्वरमा नागरिकता लिएर पुगेका थिए। तर उनीहरूले हस्ताक्षर गरे/नगरेको खुलेको छैन। एमाले नेता नेपालले आफ्ना पक्षका सांसदले हस्ताक्षर गरेको बताएका छन्। उनले हल्लाका पछाडि नलाग्न पनि आग्रह गरेका छन्।
नेकपा माओवादी केन्द्रका अध्यक्ष पुष्पकमल दाहाल प्रचण्डले गत शुक्रबार हस्ताक्षर गरेका १४९ जनाबाहेक अरूले पनि हस्ताक्षर गरेको बताएका छन।
‘केही चिन्ता नलिनुहोला, अस्ती हस्ताक्षर गरेका १४९ मा अझै केही सांसद थपिनुभएको छ,’ प्रचण्डले भने।